اقتباس:
المشاركة الأصلية كتبت بواسطة الباحث العلمي
السلام عليكم ورحمة الله وبركاته
ياجماعة الخير انا محتار لين انحت شعر راسي انا الحين موظف بمدينه الملك عبدالعزيز للعلوم والتقنية بالرياض بنظام العقود (متعاقد) على المرتبة السابعة والراتب في حدود 9000 وبنفس الوقت قبلت في وزاره الدفاع وسلمت ملفي وانهيت اموري وكل شي انتظر يوم 12/10 عشان اتصل عليهم اشوف بأي قطاع حاطيني ومحتار اجلس مدني بالمدينه بمسمى باحث علمي مساعد او اروح ضابط مع العلم ان تخصصي فيزياء (وتتوقعون بأي قطاع يمكن اكون) عطوني أرائكم وريحو مخي مالي الا انتم استشير والسلام عليكم
|
صبحكم الله بالخير جميعاً 
أعتذر اخوي الباحث العلمي على التأخير
بخصوص القطاع وتوجيهك له ، توجهيك راح يجي على حسب تخصصك لكن ما احد يقدر يتنبأ من الموجودين هنا وين راح تكون بالضبط فيه ، انا اتوقع وهذا مجرد توقع ، أنك راح تلتحق باحد المدارس العسكرية أو قطاع له علاقة بتخصصك مثل اسلحة الدمار الشامل او المساحة العسكرية وإلخ ...
عموماً ياليت ترجع للصفحة الاولى من هذا الموضوع بتلاقي معلومات تفيدك جداً عن التوجيه وآليته .
بخصوص المقارنة بين العسكرية وعملك حالياً ، بغض النظر عن أنك متعاقد ، لان المتعاقدين بالتأكيد راح يترسمون باي وقت ، لكن أنت وتوجهك ورغباتك ، إذا والله العمل اللي تعمله حالياً فيه إمكانية الابتعاث ومميزات مادية ( بدلات + سيارة + سكن ) أنا أفضل أنك تكمل بوظيفتك ، أما إذا والله العكس ومافيه شيء من اللي انا قلته أنا افضل أنك تلتحق بوزارة الدفاع لتوفر هذي المميزات .
وزي ماقلت لك ارجع للصفحة الاولى بتحصل معلومات قيمة بتفيدك كثير .
وانا حاضر باي استفسار مرة ثانية .
موفق خير 