تخصصي انجليزي

تم تعييني في الرياض وفرحت ,,, لكن اتفاجأت اليوم ان تعييني مو في مدينة الرياض نفسها .. في ضواحي الرياض (رماح)

كنت ناوي أروح اليوم للوزارة عشان تسليم الأوراق واستلام التوجيه لكن اتفاجأت برسالة على جوالي تفيد بتعييني في (رماح) وانه يجب علي المباشرة غدا يوم الاثنين ... والطريقة على ما أظن اني أسلم أوراقي للمدير وهو يرفعها للوزارة... يعني جميع التعاملات تصير عن طريق المدير.

وتبعد بالضبط 124 كيلو - ساعة وربع رايح / وساعة وربع جاي = ساعتين ونص يومياً

رحت شفت المدرسة على الطبيعة اليوم ورجعت ,, لقيت الفصول حالتها يرثى إليها والطاولات مكسرة والجدران مقشرة وكل ما يخطر من جميع أنواع الكتابات والذكريات مكتوبه على الجدران. وألفاظ غير أخلاقية على دورة المياة. غير كذا ان المبنى عمره 34 سنة ,, وتقدر تعرف عن درستك وكم تستوعب من طلاب وعدد الفصول وووومعلومات عامة عن مدرستك من خلال هذا الرابط http://info.moe.gov.sa/schools/

90% من أسماء الطلاب سبعان (السبيعي) حتى المدير سبيعي ,, والنعم فيهم ,, استغربت .. هل ضاحية رماح منطقة سبعان ؟!!

خايف ان يكون فيه عنصريه تجاه القبائل من حيث التعامل والتمييز.



هل يمديني أروح الوزارة وأعترض على تعييني في رماح ؟ والا أطلب النقل بعد سنة ؟