اقتباس:
المشاركة الأصلية كتبت بواسطة تفاحة سعودية
شوفنا يا بنات بعض النعم اللي ربنا رزقنا فيها وقولوا الحمدلله
الولد يحرم عليه دخول الكثير من الاماكن المغلقة مثل المنتزهات والحدائق والاسواق وغيره ..
بس الولد لازم يصير معه محرم اللي هو البنت ..( انعكست الاية ) سواء كان المحرم امه او اخته او شغالتهم ...
البنت كل الابواب مشروعة لها بالدخول والخروج على مزاجها ولا ( ابن امه ) يقول ممنوع ...
الولد اذا دخل مكتب حجز طيران او غيره ( ينطق ) عنده بالساعات الييين يجي دوره واخرته الحجز مقفل ...
اما البنت لا ..
من يوم تطل مع الباب وهم منادينها <<<< حتى لو انها داخلة بالغلط ...
ويحجزون لها جنيف ذهاب وعودة ..... وطبعا يقدمونها على كل الشنبات اللي بالصالة ... لا وبعد يشتغل الموظف بضمير و
الولد اذا بغا يقطع الشارع ...
يقعد ساعة ما احد عبره لا واللي يقهر ان السواقين والليموزينات يشطفونه والرخوم منهم اللي يهاوشه يقوله ابعد عن الخط ...
اما البنت ...
اذا حطت رجلها على الشارع ...ما تسمع الا مصارخ الكفرات ... وتوقف السيارات وبكل احترام تقل فيه تسع دوريات عند اشارة المرور..
لا ويجيك عاد بعض الناس تطلع الاخلاق ...( تفضلي ...والثاني يدعي لها بالستر تقول يعرفها )..
الولد يقعد عاطل بالبيت ما احد يتعاطف معه ...
والبنت مسخر لها هالعالم تقل شغلها الشاغل يطلع بالمجلات والصحايف والفضائيات لا وش مواضيعه ...
قيادة المراة وعمل والمراة ...
والشباب خلهم ينطقون بالبيت ما يحتاج لهم عمل ...
الولد اذا ارسل شي ( قصيدة مثلا ) لاحد الصحف ولا المجلات على طول سلة المهملات ...
اما البنت ...لو ارسلت قصيدة ولو هي اي كلام كان افردوا لها الصفحات ويحتفون بها ويحطون للقصيدة مقدمة اطول منها ...
الولد اذا حط موضوع باي منتدى
وكتب انه منقووووووووول كان غص من كثر الشرشحة اللي تجيه والتهزيئ والتعنيف والموضوع قديم كل يعرف ينقل عسى ما تكلفت ...
اما البنت لو نزلت موضوع وكتبت انه منقوووووووووووول كان يفيض المتصفحين ما يسر الخاطر من الثناء العاطر ولاتت الردود الطوال على هذا المنوال:
( نقل رائع يدل على ثقافتك الهائلة ...رايت مواضيع منقولة كثيرة ولكن لم ار مثل هذا النقل المميز لا يستطيع احد ان ينقل هذا النقل الا من اتاه الله العلم العميق
والفكر الانيق والاسلوب الرشيق اسلوبك في النقل لا يضاهى ....الخ
هههههه |
اي هين
ازعجتونا بكل شئ يوم جينا نبي نسوي مسواه طلعة متجي قلتو نبي وظائف مثل الرجال قلنا يالله بنحطكم اول شئ بلمحاكم
يعني يصير اسمك القاضيه تفاحه .... طبعاً قاضيه الكل يعرف معنها وش
اذا قلنا يبون يلعبون مثل الشباب فلانديه
يصير اسمك الهاوايه تفاحه .... طبعاً الكل يعرف وش معني هاويه اعاذنا الله منها
لو تشتغلين وتصيرين ذات حركه مستمره نقول تفاحه حيه .... طبعاً تعرفون وش معني حيه كفانا الله شرها
ميكفي يوم كان عمري 21 سنه شرالي ابوي سياره ونتم مقابلها حلق ولا سلسال
ميكفي ان حنا نشيل اسم العائله ونتم تابعين لازوجكم
ما يكفي ان لطفشنا قلنا قومو زينو القهوه
ما يكفي ان حاتم الطائي كان كريم وزوجته بخيله
شباب لو انجلد يويلكم 
همسه::لحد يزعل ترى الدعوه مزوح ويكفيكم عائشه رضي الله عنها كان يرجع لها وتسئل عن الاحاديث