اقتباس:
المشاركة الأصلية كتبت بواسطة آآآه يا زمن
وعليكم السلام ورحمة الله وبركاته
وااافي والله يا ابو حميد
ومبروك التخرج
اخوي احمد
الان العمل بالمشاريع ... يتطلب التنقل بين مشاريع الوزارة ... على ما اعرف ما فيه مشروع اقل من سنتين هل في خلال هالسنتين القى انتداب او تسهيلات سكن وسيارة ورحلات ؟؟
وهل يوجد ضباط مشاريع بكل مناطق المملكة ام موجودين في الرياض وتتنقل خلف المشاريع
وان شاء الله ان خطر ببالي سؤال برجع اقوله
|
الله يبارك في ايامك
اما بخصوص المشاريع فنعم على حسب المشاريع لكن في مشاريع تستغرق 3 الى خمس سنوات وان شاء الله التنقلات مو كثيره لانه ماراح تخلو منطقه من المشاريع وعدد الضباط في الاشغال 86 ضابط فقط يعني اكثر منطقه تلاقي فيها في الشرقية 8 ضباط لأنهم محتاجين كثير واذا وصلت لرتبة ملازم خلاص ما اتوقع راح يكون في تنقلات على كلام الضباط
اما حكاية الانتداب فحانزل حوار دار بيني وبين واحد من الشباب سألني بعض الاسئله
انا لدي بعض الاستفسارات اتمنى اني ما ازعجك فيها هي :
>
> ١- انا قابلني الراجحي وعطاني خبر اني راح اكون معه بالاشغال العسكريه وودي اخذ فكرة عامه عنها من حيث :
> - مكان التعين واين توجد هذه الاداره انا شفتها بالرياض لكن هل لها فروع اخرى بمناطق ثانيه ام انه يكون تعيني الرئيسي بالرياض وتكون انتدابات للمناطق الثانيه حسب مدة اي مشروع ( ياليت توضح لي ذي النقطه بالتفصيل لو سمحت )
في لها فروع كثير جدا في الرياض وجده والطائف والمدينة والشرقيه وخميس مشيط والقصيم ومناطق اخرى
اما مكان التعيين لازم في البداية سنه تكليف وراح تكون على حسب المشاريع والاحتياج وبعدها سته شهور دورة تأسيسية وممكن تكون في وسط السنه التكليف بعد 18 شهر تطلب المنطقة اللي تبغاها وهذا الكلام قاله لنا اللواء سعد الرميح ولكن اتوقع انا انه على حسب المشاريع وين راح تكون .. واللواء سعد الرميح جدا متفهم للاوضاع اذا كان عند الانسان ضروف راح يساعده ويحب ايضا انك تروح تكلمه مباشرة بدون واسطات ... اما حكاية الانتدابات فهي نادره جدا لأنه في بالشرقيه مشروع يبعد عن مكاتبنا 250 كيلو مايعطوا عليه انتدابات وفي واحد من الشباب بالجنوبية وانتدبوه على بيشه لكن بشكل عام نادرة
وفي شيء حاب اني اوضحه انه خليك في البداية تروح اي مكان يطلبوه منك يعني اي منطقة عشان مستقبلا ترتاح من التنقلات ويكون عندك في ملفك انك تنقلت كثير وهذي نصيحة واحد من الضباط لي
>
> - ماهي البدلات التي يتحصل عليها المهندس المعماري
المهندس بشكل عام في الاشغال العسكرية ماعنده كثر بدلات فقط 15 % بدل شهادة جامعية او يسموها فنية ... و 400 ريال هندسة وبدل مواصلات وبدل غلاء معيشه فقط يعني تكون بدايتك راتبك تقريبا 11500 ريال ... لكن الميزه انه يصرفولك سياره وانت تختارها مابين 120000 الى 130000 ريال بس اهم شيء جيب ويكون دبل ومن اي شركة والميزه الثانية يصرفولك فله لو متزوج او غرفه اذا عازب وذي الاشياء اتوقع افضل من البدلات ولله الحمد
>
> - طبيعه العمل بشكل عام هل هي مشاريع تقوم بها الاداره من تصميم وتنفيذ واشراف او انها تزل مناقصات للتصميم والتنفيذ وهي تشرف فقط
في فرق بين الادارة في الرياض وبين الفروع ... أحنا الفروع جهة اشرافية ينفذ المقاول المشروع واحنا المسؤولين عن كل شيء ... اما الرياض يجيب لنا كل شيء جاهز من خرائط وعقود وغيرها وراح تفهمها ان شاء الله مع الوقت
>
> - هل انت مرتاح فيها الان ؟ يعني سلبيلتها وايجابيتها ؟
اللهم لك الحمد جدا مرتاااااااح وانا طبعا في الشرقية
اما سلبياتها فلله الحمد مافي اي سلبيات تذكر لكن لو مديرك سيء راح تكون ذي هي السلبية الوحيده
والايجابيات كثير ولله الحمد زي ماذكرتلك سابقا بيت وسياره اللهم لك الحمد والدوام راحه لأنه مديري يهمه الشغل اكثر من متى جيت الدوام ومتى طلعت من الدوام والأخوه تلاقيها موجوده مع اللي حولك من الناس لأنهم متنوعين من مدنيين واجانب وكمان تتعلم لغة مع الاجانب
>
> - هل تنصحني فيها لاني بجد محتار وان شالله انت فيك الخير والبركه
انصحك فيها بقوه وان شاء الله ماراح تندم بأذن الله لأنك راح تمارس تخصصك بعنف بأذن الله
>
> واخيراً اشكرك على تفاعلك واتمنى اني مااطلت عليك واقدر ان شالله اخدمك مستقبلاً . . .
لا والله ياحبيبي بالعكس والله سعيد اني اساعدكم