راكب اللي حسها تسمعه من كل صـوب **** مثل زلزال الرعد في المـزون المظلمـه
كنها يوم استـدارت وضاقـن الـدروب **** فرخ شيهان على الطلـع ينهـض مقدمـه
اعتلها جورج الخواجه ونطـاح الهبـوب **** واعلنو وقف السيجاير وربـط الاحزمـه
من سلال جايفه ماجمـع غيـر الذنـوب****والديانه عكس الاسـلام ماهـي مسلمـه
مايعرف يقول هذي شمـال وذي جنـوب **** الدليلـه بوصلـه والحـروف مترجمـه
واهنيه من لقى له فـي رحلتـه ركـوب ***** لا وصل او توفـى عسـى الله يرحمـه
مادرى في مشرق الارض ولا في الجنوب **** المهـم ينفـذ الـلازم الـلـي يلـزمـه
فاقد لي شيـخ قـوم عزيـز ومحسـوب**** محزم في الضيق ياسعد منهـو محزمـه
والجفا بين الاصحاب عيب مـن العيـوب**** والصداقه مـن بنـى بيتهـا مـا يهدمـه
والغلا والكره ماتسكـن الا فـي القلـوب *****بـس مابـه قلـب فيـه اثنيـن مخيمـه
سلطان الهاجري