اقتباس:
المشاركة الأصلية كتبت بواسطة مرتقب
مجرد موآطن
جزاك الله خير ويعلم الله اني كنت محتاج لتوضيح هالشغلات لقدم عهدي بها ،،،
ذكرت الله يسلمك:
ودنا لو توضح لنا أكثر عن هالامور ...
سلمك الله وعافاك ...
|
حيآك الله اخوي ، راح اشرح لك بشكل بسط جداً وسهل :
1- نصاب الحصص:
المعروف ان الحد الأعلى للنصاب هو 24 حصه حلوو
في بعض المدراء يعطي فلان من جماعه 19 حصه وانت 24 حصه . . . ليه !! اطلب المساواهـ والعدل في النصاب.
لاني عانيت من هالشي . . .
خذ الجدول العام الكامل لكل المعلمين وشوف توزيع الحصص ، هل فيه عدل ، مثلاً هل كل المعلمين عندهم سابعه وسادسه ولا ناس وناس . . .(عدآ بعض الحالات الاستثنائية من معلم بدنية او معلم مكمل في هالمدرسة او او.. )
مثلاً انا كان جدولي يوم السبت الى السابعه ( مع وجود فراغ) وبقية الايام الى السادسه . . بالله عليك مو ظلم !!
وانا من الشرقية والمدير عنده خبر اني من الشرقية واني اسبوعياً بعد الدوم مباشرة الساعة12.15الظهر اطلع للشرقية ( اغراضي في السيارة ) وكل ما جيت امشي اقول له يا بوفلان اي خدمه من الشرقيه اجيب لك شي محتاج شي ، انا الحين ماشي على طول , , , ومع ذالك لا حياة لمن تنادي ولا قدر ظرفي ولا شي . كل الي يقوله خل الوالده تدعي لنا وتوصل بالسلامه , ,
كان على الاقل يفرغ لي يوم الاربعاء لو شي بسيط ، نقول الى الحصه الرابعه مثلاً عشان امشي بدري ، ولا امشي في عز القوايل والحر ,
2- حصص الانتظار:
بعض المدراء يضبط ربعه في حصص انتظار نادر ما تجي ، يعني يحط له انتظار لمعلم ما يغيب الانادراً ، ويدبس بظهرك حصص انتظار لمعلم دايم يغيب او يتأخر ، وهذي صارت لي وكنت اخذ الحصيتن المخصصه للانتظار بشكل شبه اسبوعي يعني 24 صحه + 2انتظار. .
3- اليوم الذهبي:
هو يوم في الاسبوع يكون فيه نصابك ما يتعدا الحصه الرابعه ، بل في ناس عندهم حصتين يوم الاربعاء بس ، الاولى والثانيه ويروح البيت ، كلها بتضبيط من الادارة. .
(طبعاً هذا اليوم ما يكون مطبق في كل المدارس ،لانه يعتمد على عدد المعلمين . .
4- الاشراف الصفي او الميداني:
بالنسبة للاشراف الصفي مافيه شي يذكر ، مجرد اسم انك مشرف او رائد الفصل ، او خل نقول انك المسؤول عن الفصل ( شكل الفصل - ترتيب الصفوف - اللوحات والصحائف المعلقه - كشوفات الطلاب اخر السنه و و و ) مافيه شي مهم أبداً
اما الاشراف الميداني:
- اشراف بداية ونهاية الدوام:
يعني يجيك حوالي من 5 الى 10 ايام في الفصل الدراسي الواحد ، تحضر فيه للمدرسة من بدري تقريبا خل نقول الساعه 6:15 وتنطق عند الباب مثل السكرتي ، تراقب دخول الطلاب للمدرسة ولحظة نزولهم من الباصات او السيارات و و و الى الساعه 7 وبعدها تدخل، وبنفس اليوم تنطق من بعد الحصة السادسة او السابعة الساعه 1 الى الساعه 1:20 او 1:30 الى ان يمشون الطلاب لبيوتهم وتتقفل المدرسة واليوم الثاني تكتب تقرير عن هالشي في دفتر مخصص
وهالشي انا عانيت منه وربي ان بعض الطلاب يجلس الى 1:30 ولا جاه الباص والله اني اضطر اني اخذه و اوديه بيتهم . . .
طبعاً هالشي على ناس وناس . . (وبعض المدارس فيها وبعضها ما فيها )
-اشرف الفسحة:
لازم يكون عندك يوم في الاسبوع فيه اشراف ميداني في الفسحه ، يعني مراقبة الطلاب ، كأنك تتفسح معهم 
.. الفسحه الاولى والثانيه ، وعاد انت عارف الفسح ، ام القروشه والهواش والمضاربات ، وانت مسؤول عن كل شي يصير في الفسحه ، طبعاً ماتكون لحالك ، لازم معك واحد او اثنين من المعلمين . .
وسلامتك
اذا شي ما ذكرته فاعذرني وذكرني به . . 