السلام عليكم ورحمة الله وبركاته
أسعد الله أوقاتكم بكل خير
يا اخوان انا عسكري برتبة رقيب مستجد طبعا ولا بعد كملت سنه ونصف أداوم ( ولا أخذت دورة الفرد الأساسي)
ومسجل عند الأحوال اني عسكري
المهم نزل اسمي بالتعليم من ظمن دفعة 11054 والحمد لله ,, وضبطت اموري مع الشباب في مرجعي وكتبوا لي غياب 7 أيام ورفعوا لي بالفصل بناء على طلبي ,, لكن الحين باقي لي كيف ارجع سجلي المدني الى متسبب ,, رحت وكلمت لي واحد في المديريه حقتنا قال: خلاص تجي وبنسوي لك اعادة طلب للخدمة وتروح تسوي تحليل وبنرسبك في اختبار علم النفس ( يعني نفسيه
) هع ,, أنا مبدئياً وافقت بعدين فكرت بها وخفت انها ممكن تضرني من ناحية الوظائف المدنيه ويروح علي التعليم لهذا السبب وممكن أي وظيفه مدنيه (لأنهم بيفكرونن أهبل 
)
انا طبعاً ما ادري وش النظام بالضبط واحترت بين ناس يقولون ممكن تضرك مستقبلاً وبين ناس يقولون إن الخدمة المدنيه مالها اي دخل بالعسكريه وقرار رفضك علشان فيك نفسيه ما راح يتعدا العسكريه ومستحيل يوصل هالخبر للخدمة المدنيه لأن هذي جهه وهذي جهه أخري ولا بينهم اي ترابط...!!
سؤال المليون هنا :
هل ممكن أتأثر من سبب رفضي عسكرياً واني غير لائق طبياً..؟
هل ممكن أندم على مثل هذا القرار..؟
هل هناك ترابط بين الخدمة المدنية والعسكريه..؟
ياليت احد ينصحني وش اسوي ومع مين أروح من هالجماعه (مع الي يقول فيه ترابط بينهم& أو مع الي يقول مالهم دخل في بعض ولاراح تدري عنك الخدمة المدنيه)
تكفوووووون والله اني محتار وكان المفروض أروح بكرا اسوي اعادة الطلب واسوي التحاليل لكن اني أجلت الموضوع من الخوف على مستقبلي
اشيروا على يا اخواني ولكم مني دعووة بكل وقت صلاة.
اتمنى انا ان قراري هذا راح يأثر علي بالعسكريه بس ولا يمس مستقبلي مع الخدمة المدنيه لأن العسكريه ما عاد ابيها ولا تهمن لو رفضون طول العمر لهذا السبب لكن الخوف كل شي يتسكر بوجهي....تكفووووون لا تخلون أخوكم المحتار ... الف شكر مقدماً لك من يرد علي والسلام عليكم ,,,