كانت لي تجربة سيئة لا اريد ان اتذكرها فتحت محل واشتغلت بنفسي ولاحظت السعوديين يفضلون الشراء من اجنبي خاصة اذا دخل في محلك سعودي ومعه زوجته يتضايق منك ويبغى يطلع بسرعه وبعضهم يبغى يدخل لكن شاهد انك سعودي يرجع ويمشي والبعض من يدخل ومعاه اهله عينه في عينك ما تنزل يخاف تطالع في اهله واحيانا اذا شفت هذه النوعيه امسك جريدة او اتصفح اللابتوب لعشان يشتري اما اذا البائع اجنبي يضحكون ويسولفون معاه .
والاجانب انسى ان يشترون منك يا سعودي حتى زوار الحرمين من الاجانب سبحان الله لا يفضلون الشراء من سعودي .
كانت معاناة والله

صاحب لي كان يشتغل بتاكسي في جدة وكان يعاني من هذا الشئ ايضا سعوديين لا يفضلون الركوب معه والاجانب لا يريدون ويرمون عليه سعر رخيص للمشوار وهو يوافق غصبا عنه لكن لبس بنطلون وقميص ومشت الشغله معاه واحيانا بالكلام يسوي نفسه مصري وبعد ما يتفق ويركب الزبون يتكلم معاه سعودي .

رأيي أن السعودي ما زال يعاني ليه ؟
الاجنبي يرفعون صوتهم عليه ويتمسكن لهم اما السعودي يختلف .