اقتباس:
المشاركة الأصلية كتبت بواسطة متفائل في الحياة
السلام عليكم ورحمة الله وبركاته
كل عام وأنتم بخير
اسأل الله أن يتقبل منا أعمالنا
ياجماعة أنا ماطرحت موضوعي إلا وأنا قد اتبعت جميع الطرق والأساليب لكن مع الأسف الشديد لم أتوفق في تحقيق المراد
سالفتي هي إني قدمت أوراقي أكمل دراسات عليا في الجامعة وبما إن معدلي منخفض يبي لي واو علشان أمشي أموري المهم حاولت إحضار اعتماد من أحد الأمراء البارزين لكن مع الأسف لم أتمكن حتى من الدخول عليه قلت مالي إلا أمارة المنطقة اللي أنا فيها
دخلنا على أمير المنطقة وليتنا ما دخلنا أرفقت له معروضي وتقرير طبي للوالد لظروفه الصحية لدرجة يا إخوان إن جتني وظيفة في الرياض راتب 6200 ريال وماقدرت أروح لمرض والدي المزمن كتب لي لامانع حسب الإمكانيات رحت بالأوراق للجامعة وأنا داري إن أموري ماراح تمشي أساسا وصلت الجامعة عطيتهم أوراقي مجرد قرأ خطاب الأمير قال بالحرف الواحد بلها واشرب مويتها وسوى خطاب رد للأمير إن مافي إمكانية علما إن في إمكانية لكن وش تقوووول
حاليا أفكر أن أبرق للملك لكن السؤال اللي يطرح نفسه هل سأجد رد مثل رد أمير المنطقة
أتمنى منكم المشاركة ومساعدتي في حل الإشكال
دمتم برعاية الله |
اخوي اذا ماعندك واسطة بالجامعه لا تتعب نفسك تدري ليش
لان يوجد شروط للدراسات العليا ولم تنطبق عليك اوكي
وجبت خطاب من الامير ومايقدر يلزمهم قال حسب الامكانيات يعني حسب الشروط عشان كذا قالك بلها واشرب مويتها وعادي يرد على امير المنطقة بان الشروط لم تنطبق عليك
وكم واحد وده يكمل دراسات عليا بسس الشروط والملك الله يحفظه نفس الشي اذا مره مره بيكتب نرجو تسهيل امره حسب الشروط والانظمة لان اذا وافق بيفتح بيبان لغيرك وبسبب ظغط لهم
مالك من بعد الله الا واحد داخل الجامعه