السلام عليكم ورحمة الله وبركاته كيفكم ان شاء الله تمام انا داخله على الله ثم عليكم اللي يساعدني بدعي له ليل و نهار تخرجت من الثانوي نسبتي / 76.14 علمي / مااعتقد انها مدحدره بالحيل نسبة الثانوي 76.14 القدرات 60 التحصيلي 65 المركبهه 72.5 والجامعات ماقبلوني والكليه التقنيه ماقبلوني ومعهد الاداره ماقبلوني و خدمة المجتمع ماقبلوني معقوله ثلاث جامعات بالرياض ولا وحده قبلتني مع ان الملك آمر ان خريجات الثانوي هذي السنه كلهم ينقبلون في الجامعه ليه ماينفذون كلامه جامعة نوره مدينه ياناس مدينه مدينه مدينه ماقبلوني تحططططططيم وش الحل اشق هدومي مثلا انتحر مثلا والله تعبت تسكرت في وجهي كل الابواب لا ليلي ليل ولا نهاري نهار كنت متفائله بالحيل انهم يقبلوني و انصدمت يوم قالوا لاتوجد مقاعد بالله كيف لاتوجد مقاعد و الحين فاتحين باب القبول لغير السعوديات اقنعوني ياناس المفروض الاولوليه للسعوديات بليز ساعدوني الله يوفقكم و يسعدكم ويحييكم حياة طيبه و يحقق لكم كل امانيكم ابي واسطه في اي جامعه في اي تخصص ماراح اتشرط واذا مافيه على الاقل وظيفه حالتنا بالحيل صعبه ابي مكافاه تمشي اموري ياناس وربي سجلت في جامعة الملك عبدالعزيز في جده ولا قبلوني و في جامعة الملك خالد في ابها ولا قبلوني وفي جامعة الاحساء ولا قبلوني و في جامعة طيبه في المدينه ولا قبلوني وقسم بالله تحطمت اكتب لكم وانا دموعي على خدي ساعدوني الله يجزاكم بالخير ويحقق امانيكم ي رب