المشاركة الأصلية كتبت بواسطة الرجل الكويس

بالخيييييييير ياشباب اخباركم

فيه اسئله مكرره مثل الحضور ..! الحضور راح يكون بالبدله الزرقاء يعني مثل اختبار اللياقه اللي سويناه تجي لابس جزمات ( وانتم بكرامه ) وبدله زرقاء ساده

سروال السباحه . . ! انا صراحه ماراح اجيب معي سروال سباحه لاني ماعرف اسبح ههه

البسطآر ..! فيه ناس متخرجين من الحربيه يقولون وعلى حسب قولهم انهم يعطوننا بساطير بس البساطير حقاتهم راح تكون ثقيله شوي وحتى اللبس العسكري القماش راح يكون ثقيل فلذلك قالولي اشتر البسطار احسن لك وللحين مدري انا اشري او لا

المكآفأه . . . ! راح تنزل المكآفأه اتوقع بشهر 2 لان المكافأه الشهريه 3200 وبالعاده تنزل دفعه وحده 14 الف وعليك الحسبه

بعدين فيه ناس يقولون اننا راح نتعب واذا تعبنا وش نسوي ناقف انا مثلكم صراحه مدري ايش راح يصير لكن اللي علينا راح نسويه وزود بس اهم شي اهم شي لا تطلع من الكليه لو يصير اللي يصير تأكد انه فتره وراح تعدي انا عن نفسي ماراح اطلع ان شاء الله بعدين حتى لو طلعت وش راح تقول لأهلك تبي تقول انا تعبت ولا الشمس حاره ولا ايش تأكد ان فيه ناس مايزودون عنك بشي عدوها وعلقو النجمه وكل عساكر المملكه مرو بالدوره ذي بعدين تذكر انك مقبول من بين 10 الاف او اكثر قدمو

هذا اللي عندي اللحين واذا جا الحتسي ابرجع اكتب ان شاء الله ههه

والله يوفقنا وياكم يارجاااال

فمان الله