المشاركة الأصلية كتبت بواسطة عطلاوي عطلاوي

السلام عليكم
.
.
.
.
.
.
.
.
.
مساء / صباح الخير على الجميع

اليوم موعدي كان في قاعدة الرياض الجوية

طبعاً مكان التقديم في البوابة اللي عند دوار الأحساء

فيه مواقف وكل شيء أوكي ..

يدخلونكم الساعة 7:00 ص واللي يتأخر ساعة ماهي مشكلة

لأنهم قسسم بالله قمة الأدب والاحترام ..

طبعاً الأوراق مهمة جدا جدا جدا لأن في كثييير رجعوهم

لأن اوراقهم ناقصة والاوراق المهمة هي :

1- صورة من الثانوية العامة
2- صورة من اختبار القياس
3- صورة من دفتر العائلة لازم الام تكون مضافة
4- صورتين شخصية مكشوف الرأس
5- صورة من اثباتك
6- والاثبات الاصل

صدقوني اللي مايجيب الاوراق هذه بيتعب راح يرجعونه

بالنسبة للإجراءات ..

يطابقون الاوراق اول شيء

وبعدين قياس الطول والوزن وفحص عمى الألوان

بالنسبة للوزن وفحص النظر قسسسم يمشونك يالبى قلب

الدكتور زقرتي وشبابي اللي وزنه زايد يقوله بنقصه لك

بس حاول تنزل وزنك وفحص النظر ماشفت احد لابس

نظارات بس سهالات يمشيك حتى لو ماتشوف *_^

اما الطول ما اتوقع انه متساهل لان الطول صعب تغييره

والتحكم فيه ,,

بعدين يقولك خلاص خل الملف هنا وتوكل على الله وبعد

اسبوع انتظر الرسالة او في الموقع راح تنزل النتيجة


---------------------------

ياشباب اللي مرتبك اقوله لا تشيل هم قسم بالله العظيم

ماتوقعتهم كذا الكل يساعدك حتى النقيب لبى قلبه والدكتور

والرقيب والرقيب اول حتى الجندي يعاملونك في قمة الاحترام

وكل شوي يوزعون عليك مويه بالعربي سهالات ,,

بس اهم شيء مثل ماقلت لكم الاوراق مهمة ,,

قبل لا انسى فيه كثير منكم حط القياس 65 وهو اصلا تحت

الـ 65 او الثانوية حاط 80 وهو تحت الـ80 احب اقوله

انهم يمشوووون العاااااالم كلهم ولا رجعوا احد الا اللي ناقص

اوراقه ,,

ياشباب ادعولي تكفوون بالشفاء والله انا كل شيء اوكي

بس خايف من اللياقة في الفرز النهائي عنددي قطع في الرباط

ادعولي انها تتسهل وبالتوفيق لكم ,,