بالنسبة للإخوان اللي يسألون عن طبيعة الدراسة بنظام الانتساب وخصوصا جامعة الملك فيصل

الدراسة جدا ممتازة وبنفس الوقت ممتعة وسهلة لاتخافون من الرياضيات والمحاسبة ووو ...

أغلب الاشياء اللي راح تدرسونة بالترم الاول هي من اساسيات المادة يعني رؤوس أقلام مثلا الرياضيات منهجها بسيط وسبق انه مر علينا كلنا بالمتوسطة والثانوية ومنها المعادلات من الدرجة الاولى والثانية واللوغارتمات والتوافيق ماراح أقولكم ان المنهج كله سهل لكن اللي يبي يذاكر زي الناس وخصوصا الرياضيات والمحاسبة لابد قبل الاختبارات تكون محضّر وعارف كل شي واذا استصعب عليك شي فية منتديات النقاش بموقع الجامعة تطرح أي شي مو فاهمة وزملائك الطلبة ماراح يقصرون معاك ..

نجي اللحين للبلاك بورد والمحاضرات..
اذا ارسلت الجامعه لك الرقم الجامعي والرقم السري فية زي ماقلت فوق برنامج البلاك بورد هو اللي تنزل فية المواد والواجبات والمشاركات بالعربي هو حلقة الوصل مع الدكتور ..
المواد هي خمسة 1/الرياضيات. 2/المحاسبة. 3/الإقتصاد الجزئي. 4/القانون. 5/مبادىء الادارة.

راح ينزل عندك بالبلاك بورد كل أسبوع محاضرة لكل مادة وعادةً تنزل كل يوم سبت ..
عدد المحاضرات الاجمالي 14 محاضرة+المحاضرة التمهيدية طبعا لكل مادة..
الواجبات خلال الترم راح يكون عندك 3 واجبات,تقريبا كل شهر واجب ((لكل مادة))
المشاركات لابد أنك تشارك بمنتديات الحوار بالبلاك بورد 14 مشاركة خلال الترم ((لكل مادة))
........

,,,الاختبارات ,,,

الاختبارات أسئلتها كلها أختيار من متعدد ((سؤال وأربع إختيارات)).
الاختبار النهائي من 70 سؤال وعلى كل سؤال درجة.
........
الدرجة راح تكون من 100 وقلنا فوق ان الاختبار 70 درجة بقى 30 درجة راح تكون على النحو التالي 10 درجات للمشاركة,10درجات للواجبات,10درجات لمشاهدة المحاضرات المسجلة على البلاك بورد
..........


وسلامتكم

وأي إستفسار أنا حاضر

وبالتوفيق للجميــــــــــــــــــــــــــع