اول مارحت لهم الساعة 7:30 صباحا
اول مادخلت قسم التعين بالمستشفى قوي الامن الداخلي بالدمام
شفت العسكري قدامي يقولي ايش عندك قلت اليه عندي كشف طبي حق قوات الامن الخاصة
اخذ من عندي الاوراق وقالي روح اجلس مع الشباب اللي جالسين رحت جلست معاهم
تقريبا نصف ساعة وبعدين جاء العسكري يقول صفوا صف واحد بعد ماصفينا صف واحد قال روحوا عيادة رقم 100 الباطنية الدور الاول المهم رحنا العيادة وبعدين نادونا واحد واحد بالأسماء دخلت على الدكتور المصري اخذ ضغط الدم قالي ضغطك زين قالي قوم اخلع ثيابك قلت اليه كلهم قالي خلي سروالك القصير بس
المهم قام يكشف بالسماعة اللي عنده على بطني وصدري وظهري وقالي سليم
خلصت من العيادة ورحت قسم التعين مرة ثانية وقال العسكري انتظروا في الصالة عشان ناخد وزن وطول
لما جيت اخذ وزن وطول قالي طولك مناسب بس وزنك مو مناسب الطول 178 والوزن 63
والمهم مشاني قالي زيد وزنك قلت ابشر وبعدين جاء طبيب الجراحة وقال اخلعوا مالابسكم كلها ماعدا السروال القصير الداخلي المهم صفينا صف واحد ويدخل على الدكتور واحد واحد
المهم جاء دوري وخلت عليه ومسك السروال وحط يده في المكان الحساس طبعا فهمتوني وقالي خلاص روح استرح برا
بعد ساعة جاء العسكري يقول اللي عنده صورتين يجي انا كان عندي صورتين لما رحت دخلت عند العسكري
قالي انت وين اوراقك قلت اليه عندكم قالي لحظة وبعدين جاء لي وقالي روح الله يستر عليك انت غير لائق
قلت اليه غير لائق في ايش قلت اليه الحمدلله انا مافي شي من الامراض قالي انت مريض من امراض المزمنة ضحكت ههههههههههههه قلت اليه انعل ابو الواسطة قالي ليش السالفة مافيها واسطة
قلت اليه لو مافيها واسطة كان قبلتوني لان انا امس رح المستشفى سعد التخصصي بالخبر وكشفت على نفسي من فوق الى تحت وقالي ماشاء الله عليك انت سليم والكشف اللي سويته في مستشفى سعد كلفني 6200 ريال
وهذه سالفتي في مستشفى قوي الامن الداخلي بالدمام
حسبي الله ونعم الوكيل فيهم