السسلام عليكم ورحمة الله وبركاته الحمدلله والصلاة والسلام على نبينا محمد وعلى اله وصحبه اجمعين اما بعد : توي جاي وتعبان وحالتي حاله قلت لازم افيد منتدانا الحبيب بمعلومات شفتها اليوم نبدأ : رحلتي في الدفاع المدني يوم الاثنين الموافق 14 شوال في مدينة حائل وهي كالتالي من طاطا الى سلام عليكم صفونا سراء عند البوابه وبعدين قامو ينادون بالاسماء حسب ترتيبهم من عندهم دخلونا على ثلاث دفعات انا مع الدفعه االاولى دخلنا قاعه اللي هي يعلمنا وش الاوراق المطلوبة والشهادت والطول والوزن ومثل هيك كلام اللي يعلمنا ضابط محترم عسسل ويتعاون مع كل الطلاب سواء يعرفه ولا مايعرفه من جد محترم ماقصر معنا كلنا جاوبنا على اسألتنا رغم كثرها بعدين يوم شافنا خلصنا استفسارات قال روحو للقاعات اللي داخل اللي هي فيها الوزن والطول والمقابله الشخصيه ورحنا صفينا طوابير وانتظرنا كم كان بالاول عند البوابه صارو ينادونا بالاسامي حسب ترتيبهم هم دخلت المقابله الشخصيه في ضابط ثلاث نجمات وضابط نجمتين اللي يسأل ابو ثلاث نجمات مررره عسسل وبس يضحك ههههههههه اسئله عاديه مثل اسمك وين ساكن عمرك وش شهاداتك يعني مثل هيك اسئله واسئله ثقافيه مثل اطول ايه بالقران الكريم ومن موسس الملكه يعني مثل هيك بعدين قال توكل على الله وطلعت ورحت صفيت عشان الطول والوزن مع الطابور نادو اسمي ودخلت اللي جالسين قدام الوزن ثلاث ضباط كلهم ثلاث نجمات يخرعون المهم واللي يقوسون الطول ابو نسافه كلهم اثنين افغانيه ياربي لاتبلانا هههههههههه بس تصدقون وربي انهم حفله هالبكستانيه اول ماجيت وقفت عنده ويناظر وراي الا الضابط معطينا ظهره قال شوف صديق انت سوي هوى يعني ارفع نفسك ههههههههه قلت ابششر المهم قاسو الطول والحمدلله طولي 169 ووزني 55 وبعدين قالو توكل على الله وانتظر رسالة مننا الاسبوع الجاي او اللي بعده شطحة : اللي كان يعلمنا بتدقيق الاوراق الضابط قالنا اللي معهم دبلوم لهم الى يوم الاربعاء عشان يجيبون شهادة سباحة وغوص واللي معهم ثانوي هذولي انا متعاون معهم وليس الدفاع لكن لهم الى بكرا يجيبون شهادة غوص وسباحة ولهم الى بكرا بس تعاون مني هذا والله اعلم وصلى الله وسلم على نبينا محمد وبث لاتنسون التقييم