السلام عليكم ورحمة الله وبركاته ..

شباب انا اليوم سويت المقابله بالمدينة المنورة وتخصصي دين...
وكانت سهااااااله ماكنت اتوقع انها كدا ...
ف البدايه ياخذون الاوراق ( الشهاده والسجل وصوره البطاقه ) مع ورقه تاخذها اول ماتدخل ..طبعا كلها صور مو الاصل ....
بعدين يقولك انت لجنة 8 مثلا..
وتنتضر الين ينادي ع اسمك ..المهم.... دخلت سلمت وجلست ... وكانو اللي معاي 4 واللي سوون المقابله 3 وواحد جالس ع جنب ....
فقالي الاول : تحدث عن نفسك ؟
خربطت عليه شوي بعدين قال : لو طالب رماك بقلم وكان الفصل مزدحم ولا تعرف الجاني فما موقفك ؟
الصراحه هادي خلبطت وحاسني
قلت اخذ 3 او 4 طلاب مميزين بالفصل ويقولون لي مين اللي سوا هلحركه .. قال انت كدا تسوي حزازيه داخل الفصل ؟؟ قلت لا ما اقول مين اللي قالي .. قال طيب اغلب هالحركات من الطلاب المتميزين ؟؟ مما ادري شنو اقوله ؟؟؟ قلت طيب ابين لهم ان هالحركه خطأ وغير حضاري ومن هالسوالف واحسسهم اني عرفت اللي سوا هالحركه ..... قال الطلاب بيعرفون المدرس الكذاب .... الصراحه مما ادري وش اقول ؟ ابغى اقفل الموضوع ... قلت ابين لهم ان هالحركه خطأ ........و...
بعدين سالني الثاني قال ما هو الابداع ؟؟ جاوبت قال ماهي وسيلة الاتصال بين المعلم والطالب ؟؟ دردشت شوي
بعدين سألني الثالث قال اش اخر كتاب قراته ؟؟ قلت والله ما ادكر لكن دايم اقرا الصحف والجرايد .. قال ما شاء الله عليك سياسي؟؟ قلت مو سياسي بسس الاحداث الان تجعل اللي مو سياسي يتابع الصحف ..
بعدين قالي الاول طبعا .. لو تجيك الوضيفه الاداريه ؟؟ قلت والله كلها خير وبركه اهم شي وضيفه اقوم بها حياتي ومستقبلي ..
بعدين قال ماشاء الله عليك الابتسامه ماتروح من وجهك الله يوفقك ... مدري هو مدح والا ذم ..خخخخ
بعدين قال روحو للموضف باخر مكتب يديكم اوراق جيبوها هنا....رحنا اخذن الاوراق ورجعنا له ووقع عليها وورجعنا للمكتب الاول .. وختمها .. قلت طيب متى تطلع النتائج ؟؟ قال ياعمي كلكم ناجحين .. اللي مو ناجح مايستلم هالورقه ..... وقال الان تجيكم رساله من وزارة الخدمه يوم 25 تقريبا وتستلمون الكشف الطبي...او تطلع اساميكم ...

بالتوفيق لي ولـــــــــــــــــــكم .......