المشاركة الأصلية كتبت بواسطة وخر وخر

مساء الخير ياوحوش

كل عام وانتم بخير <<< متأخر لاكن العذر والسموحه


المهم يا اخوان صار لي ضرف و ان شاء الله يكون خير


مثل ماذكر لكم اخوي مهدي الدوسري انه صارلي حادث ثاني ايام العيد

وصارلي اصابات كسر في الكتف و ضلعين وكم رضه ثانيه وضربه على الكبد لاكن الحمد لله على كل حااال


و ابشركم طلعت امس من المستشفى ولله الحمد

المهم يا اخوان اتصلت على قيادة امن المنشأت على شان استفسر عن الي راح يصير بموضوعي

ورد علي واحد من جيلنا شباب يعني وما اتوقع عنده خبره

لاكن كان رده لي

انه ان شاء الله تتأخر الدوره واكون تعالجت وتحسنت حالتي بدون ما اعطي القياده او لجنه القبول والتسجيل خبر



المهم قفلت من عنده واتصلت على القبول والتسجيل

ويرد علي رجال كبير بالعمر اتوقع انه من رقيب وفوق

المهم شرحت له السالفه وقالي :

فيك جبيره جاوبته لا

قال زين لا تبلغ القياده ولا تعطيهم خبر

لين تجيك الرساله حقت التحظير رح حضر عندهم و اخذ تقاريرك وادخل على قائد مركز التدريب الي راح تكون فيه

واشرح له الوضع وان شاء الله يتسااااااهلون معك و يقدرون وضعك ويعفونك من التمارين مؤقتا لين تتحسن حالتك


او انهم يحولونك للدوره الي بعدها و قالي ترى كلامي مهو اكيد لاكن ان شاء الله يصير كذا


فا يا اخوان الي عنده خبره بالموضوع هذا يفيديني

مع العلم انا مقدم معكم ولا جتني الرساله ب15 -8 و الحين انتضر معكم لاكن صار الضرف هذا

قدر الله و ما شاء فعل

اتمنى الاقي اجابه او حل


اخوكم ابو تركي العنزي