اقتباس:
التاجره ام ناصرحياك الله وبياك بالنيابه عن قهوة ههه
ياليت تتكلمين عن تجارتك ؟؟
|
الله يحييك ويبقيك اختي تباشير الصباح شاكره ترحبيك 
عزيزتي فالبدايه موضوع التجاره موضوع كنت افكر فيه من ست سنوات وكنت متخوفه جدا من الخساره فاخذت فتره افكر بمشروع ابدا فيه ويكون مبلغه معقول وبعد مده من التفكير بدات بالعطور
ارباع توله وحبيت تكون بدايتي بشي لو خسرت فيه مال اقدر استفيد منه بشكل شخصي او اقدر اهديه فماراح يكون فيه خساره ابدا دام بشري كميه قليله ومبلغ قليل
بداتها اول شي بمبلغ بسيط جدا وشريت عطور فرنسيه ومسك القرشي ارباع توله بعد ماخذت فتره طويله ابحث عن عطورات جودتها ممتازه الين حصلت اللي ابيه وبالسعر اللي يناسبني .
في البدايه صرت اعرضها على الصديقات وتطور المشروع وصارو بعض الصديقات يطلبون مني اوفرها لهم ليبدون هم بالتجاره وصرت اوفرها لهم بكميه صغيره 25 حبه فقط وبسعر رمزي جدا وافيدهم ببعض الاساليب فالتسويق مثل الاستفاده من الايميل والبلاك بيري والبازارت او عرضها على اقاربهم اللي يدرسون بالجامعه او المتوظفات او عرضها على المحلات واللي يعجبها الوضع تاخذ كميه اكبر او اجيبلها لوشنات او بخور او أي شي ثاني حابه تتاجر فيه اهم شي فالتجاره الرضا بالربح حتى لو كان قليل القليل بيصير كثير مع الوقت
هذي تجربتي بالتجاره اتمنى تستفيدون منها 
وعقبال ماشوفكم جميع تاجرات