بسم الله الرحمن الرحيم

السلام عليكم ورحمة الله

الموضوع طويل لكن التفاصيل ساوافيكم بها فيما بعد إن شاء الله
بحمد الله افتتحت محلي الخاص ببيع الجوالات الجديده والمستعمله وبعض الاكسسوارات والملحقات والبطاريات
وصيانه الجوالات اذا كانت القطعه تغيير فقط اصلحها بنفسي
اما اذا كانت تختص بالايسيات فأني باقي ادرس واتعلم في اصلاحها ولا اصلحها في الوقت الحالي
ولكن نشوفلك واحد من الجيران ثقه يصلحها
والبرامج قريب إن شاء الله

وحياكم الله في المحل في مجمع تواصل مول في الشارع المقابل لمحطة نفط تدخل المجمع وفي اخره تلقى محل اسمه الرحمه ووصلت حياكم الله
ابغى دعمكم واي واحد يبي جوال جديد كلها متوفره إن شاء الله هي مو كلها انا جبت 6 جوالات

N8
bbكيرف المطور
C7
C3
2690
وC1

والباقي ادق على المندوب و10 دقايق يكون عند الجوال إن شاء الله

واللي عنده جوالات مستعمله يمر السوق وكم السعر اللي يعطونه فيه ويجي اشتريه بنفس السعر اللي اعطوه المحلات لكن عشان تدعمني


وكنت الف واسألهم المحلات للايجار ويقولون لا وطلعت فاضيه ومااجروني عشان سعودي إلا لما جبت معرفه يعني بالواسطه !!والواسطه مصري لكن رجل طيب
مع العلم ان اللي ماسك المحلات البنقاليه

وقبل امس جات حمله لمكتب العمل والجوازات وكلهم قفلوا محلاتهم وطلعوا برا لأنهم كلهم مخالفيييييييين
وقالي واحد مش حتقفل عشان مايمسكوك وقلت اقفل ليه انا سعودي مع العلم اني باقي ماكتبت عقد!! واستغرب وراح وسابني



اللي يبي اي استفسار بجاوبه باللي اقدر عليه
مع العلم ان التكاليف بسيطه

الايجار تتراوح بين 3000 إلى 900 وانا مستاجر ب 1200
المحلات لوحات وديكورها جاهز وهي عباره عن كشكات ولكن حجمها مناسب للجوالات وهي بالنسبه لي افضل من المحل الكبير
والجوالات المستعمل مربح اكثر من الجديد
والجديد كبدايه خذلك ب2000 او اكثر ريال والمندوب يوثق فيك يصيراي جوال تدق عليه وتروح له او يجيك

.
.
.
.
.
.
.
.
.
خصم خاص للعاطلين 20% على الجوالات الجديده