اقتباس:
المشاركة الأصلية كتبت بواسطة تمهيدي
للأخوة الكرام الدبلوم
أثناء ال 45 يوم
متى يتم السماح بزيارة التمهيدي ؟
كم من الوقت تستمر الزيارة ؟
هل يسمح بإحضار أي مستلزمات لهم ؟
هل الأمر يحتاج تصريح مسبق للزيارة أم الذهاب وقت الزيارة والدخول ؟
إعذروني أسئلة كثيرة و قد تكون سابقة لأوانها ، ولكن ...
لعل لي عذر وانت تلوم . |
الدبلوم دخلوا الله يوفقهم ويصبرهم
تلقاهم الحين في التمام المسائي 
وراح اجيبك على اسئلتك
في الخميس بعد القادم هذا لو استمرت الامور على ماهي عليه
واحتمال تتأجل للخميس الثالث على حسب قرارت مدير عام الكلية
والزياره على فترتين صباحيه ومسائيه
من 8 الى قبل اذان لظهر
ومن 4 الى قبل اذان المغرب
مسموح لك لكن بعد التفتيش
وحتى ايام الاسبوع العاديه تستطيع احضار اي شيء لهم
مثل علاجات او اوراق او ملابس ( اي شيء غير ممنوع )
تسلمه للأفراد عند البوابه وهم يوصلونه له
لا يحتاج تصريح تكتب اسم الطالب اللي حضرت له عند البوابه في ورقه
وهم ينادون عليه بميكروفون ويحددون له مكانك وتقابله فيه
لأن الاعداد كبيرة وقت الزيارة وفي ناس يحضر الزيارة وينتهي وقتها ولا شاف اللي جاي عشانه
لأن حضرته نايم بالكتائب
يعني لازم يكون عند اللي تبي تزوره خبر انك موجود
والزياره في الصالة الرياضية والجوالات مسموحه هناك
يعني تعطيه جوالك ويكلم على راحته
لكن بعد ما يخرج من الصاله الرياضيه يفتشونه
وكذلك اذا تبي تصوره على راحتك تصور معه
لكن ممنوع وجود العنصر النسائي
اذكر العام الماضي واحد جاته امه ولا سمحوا له يطلع يسلم عليها
لأن خروج الطالب من الكلية ممنوووووووووع خلال ال45
وان شاء الله اني افدتك