هي فكرة طيبه واكيد الأغلبيه من الشعب تتمناها حتى اللي يتكلمون ويقولون مستحيل

لكن صعبة التنفيذ الدراسه يبي لها سنين والتنفيذ يبي له اكثر

والمستشفيات عندنا بالفتره الاخيره صرت الاحظ حرص وزارة الصحه على توفر

مكتب للتوعيه فيها يقدمون محاضرات ونشرات وغيره تهم المسلمه والمسلم على حد سواء وتوعيهم وش اللي لهم واللي عليهم

وصار فيه الزام بزي معين يحفظ للوحده حشمتها لكن للأن ماتوفر عندنا كادر طبي مؤهل من النساء تقدر تعتمد عليه

بالكليه والأغلب انه الرجال هم الجراحين والأطباء الثقات لكن الحمدلله بمستشفياتنا يحاولون الفصل بين الجنسين

وحتى لو كان بالعياده رجل فأنه مايطلع على اي شيء بالمرأه وبس يحاول ياخذ منها وصف الحاله علشان مايلمسها

وتساعده الممرضه واللي انا ما اجد اطمانان الا بوجودها معي خاصة اذا ماكانت معي امي ولا اخوي

انا ما اعارض حملنك بل مؤيده واتمنى من كل قلبي انه يكون هناك كادر نسائي مؤهل يعتمد عليه 100%

لكني اتكلم ع الواقع اللي نشوفه الان ..

اخوي في الله عندنا بمستشفانا قسم الطواري كله نساء في نساء ماعداء طبيب واحد واغلب المرات طبيبه

ويتم استدعاء الطبيب المقيم اذا كانت الحاله صعبه وفي قسم الاشعه كذلك نساء للنساء

وكذلك قسم للرجال كادره كله رجالي والمستوصفات الحكوميه اغلبها القسم الخاص بالنساء هن طبيبات وممرضات

بعيد عن الرجال ..لكن قد تضطر الطبيبه بعض المرات في استدعاء قريب المرأه لمناقشة الحاله معه

واتمنى انه كل اخت تعمل بالطب ولا التمريض انها تحرص على نفسها بلباسها وتبتعد عن مواطن الزينه والفتنه

ووتناقش مع دكتورها في حدود الحاجه اذا مافي العياده مرضى ماله داعي تبقين مع طبيبك لوحدكم

/

/
صورة مؤسفه شاهدتها بعيني احدى الممرضات تكي على الطاوله وتكلم طبيبها وهي تاكل شبس

منظر مؤسف لها كم تمنيت لو لم اشاهدها فيه..

/
/
عكسها صورة ممرضه رأت رجل كبير بالسن يبحث يمنة يسره عن من يدله ويخلص له اوراقه

قالت له يبه وش تبي وراها اوراقه قالت له انا ابخلصه لك مع انه كان فيه كم واحد يشوفه

يقطع الممر رايح جاي ويسأل ومحد كلف نفسه يساعده لو من باب الرحمه..

/
/

كلامي غير مرتب لكن على قدي وبالعامي..
~سبحانك اللهم وبحمدك استغفرك واتوب اليك~

__________________
"لله دُر أمي إذا ابتسمت
تهادت جروح قلبي والتئمت"