اقتباس:
دباا شخبارك وش صار عليك
تعالي احكي لي بالتفصيل الممل
ووش رايك في اشراف القويعيه يرفعون الضغط قليلات منهم الاخلاق والباقي
المهم انا سالت وحده هناك قالت اخر الترم الاول او بداية الترم الثاني
اذا ماخاب ظني اسمها ساره العريفي
|
بخير الحمدلله انتي وش اخبآركـ ؟؟
انا اول ما رحت لهم طبعاً عطوني مهلة ليوم الاربعاء عشان اثبت الاقامه و اعطتني ورقه لمؤسسه اعبيها و اجيب معها برنت من التأمينات
و رجعت يوم الثلاثاء اثبت الاقامه و دخلت المقابله
طبعاً اختبروني تحريري اولاُ و بعدين دخلوني على لجنتين
الاولى فيها مشرفه وحده سألتني عن كيف تطورين من نفسك كمعلمه و ماهي طرق التدريس الحديثه و بعد كم سؤال بس و الله ناسيتهم
و اللجنه الثانيه فيها مشرفتين زي العسل ترتاحين من تشوفين وجيههم
سألوني اسألة عامه ثقافيه و عن السلوك اثناء الحصه و عن المعلمة القدوه و عن الانتداب و شغلات زي كذا
و طلعت بعدها اخذت مشهد انهاء المقابله و اخذت ورقة الكشف الطبي و بوجهي للمستشفى حللت دم و قالت لي ارجع من بكره اخذ النتيجه
و رجعت لهم الاربعاء و كملت باقي الاوراق و عبيت ورقتين كل وقه منها نسختين و بعدها قالت لي توكلي على الله
و بس هذي رحلتي كل هذا الاسبوع 
الا صدق بسألك وش كتبتي الرغبات على كيفك و لا الي هم اعطوك اياها
و اما التعيين قالت لي قريب قلت لها قريب يعني متى ؟؟ قالت قريب !!!!!!!!