بسم الله الرحمن الرحيم
السلام عليكم ورحمة الله وبركاته
اخواني الكرام اولا ابارك لكم في رجوع المنتدى بصراحه فقدنا الاعضاء وفقدنا المواضيع
انا باخذ رايكم واتمنى الكل يطرح رايه يفكر بالامان الوظيفي والاستقرار
انا عمري 26 باقي كم 4 شهور وادخل 27 سنه
طبعا اول من تخرجت من الاثنوي ماكنت ابي اكمل جامعه وقمت اقدم على العسكرية وطبعا ما يقبلوني عشان طولي مره قصير 162 ضربت النفسية وتركتهم
راح عمري ورا الشركات ومن هذا القبيل المهم دخلت على موقع البطاله وتصفحت جميع الاقسام واكثر قسم الهموم والفقر وبصراحه خفت من دنيا وقمت احرك عمري واقدم وارسل ائميلات واكلم من حولي ابي وظيفة امان
المهم كلمت رجال قبل اسبوع في الجيش وقال ابشر وظيفتك مضمونه ارسل اوراقك مع صور لك وابشر بعزك عاد هو واصل نوعا ما وارسلت له ارواقي قبل ثلاث ايام حلو
وامس طلع اسمي في الامن العام قبول مبدئي .. وكلمت رجال برضوه وقال ابشر ما اوعدك بس بسوي الي بيدي وان شاء الله تتيسراموارك حلوو
قبل شوي المغرب كلمني صديق لي اعرفه فقط عن طريق النت كبير بسن تعرفت عليه عن طريق عقار وهيك المهم نسولف وكذا وقمت اقوله عن قبولي المبدئي في الامن العام
وصار هذا الحديث
قال انا اوظفك عندناا ارسلي اوراقك على البريد .
قالت وين ؟
قال عندنا بالشركة فيه مشروع لارامكو .
قالت مو مشكله لكن انا ابي وظيفه لي ولزمن واعتمد عليها اذ تزوجت .
قال الوظيفه ماعليها كلام .
قالت اترك الجيش يعني .
قال اتركهااا وترا راتبك يرتفع على حسب تقيمك من رئيسك.
وقال عندك انجليزي و حاسب.
قالت لا بس عندي حاسب.
قال تعرف تكتب انجليزي .
قالت القط بعض الشي لكن اذ مارست بتعلم اكيد.
قال ابشر بالخير وكل ربك وطبيعة العمل ادمن تخلاص بطايق الموظفين من المشروع و مشتريات و خطبات لشركة .
قالت عقد مؤقت.؟
قال تجلس معنا لين تموت اذ عجبك الوضع وبيكون لك عقد اكيد .
هذا الحديث الي صار
طبعا نسيت اخذ نشاط الشركة واسمها بس على كلامه انها شركة قوية
اخواني انا اعزكم واحبكم لانكم تقفون مع بعض وتنصحون بعض ويد وحده
وانا ابي رايكم فرد فرد وخاصه تطرحون رايكم في الامان الوظيفي والاستقرار
ملاحظة ترا كثرة الاستغفار وتسبيح وتحسين العلاقة مع الله بصلاة والصدقه تفتح ابواب الرزق اسلوني مجرب انا وبكثير لاحظة تغير والله العظيم وانصحكم يا اخواني