المشاركة الأصلية كتبت بواسطة دمعة غلا

ايه مو معنى تقديمك لحافز معناها انه راح يصرفون لك اعانة

انا صديقاتي دقوا عليهم ولقوا لهم وظائف
الاولى شهادتها ماجستير ووجابوا لها وظيفة تغليف بسكوت ريكو ويوم رفضت قالوا ماتستحقين الاعانه
وصديقتي الثانية جابوا لها وظيفة في مغسلة الاموات تغسلهم ورفضت نفس الشئ
والثالثة في مصنع سنابل السلام بس مو ذيك الوظيفة مرة
معليش بنات لاتقولون هالوظائف زينة
انا بنت البلد ومعي شهادة تاعبة عليها وفي الاخير هذي الوظائف اللي راتبها مايكفي الا قيمة النقل اللي بيوديني ويجيبني لهالوظيفة
الله لايحدنا يارب
واللي بتعجبها الوظيفة الله يوفقها ويسعدها
المهم يابنات هم يدورون لك ع اي وظيفة مهما كانت ومو مشرط تناسب مؤهلاتك ابد وان قبلتي بها خلاص مايعطونك اعانه لان بيجيك راتب من الوظيفة
وان لقوا لك وظيفة ورفضتيها بيقولون انتي رفضتي الوظيفة ولست باحثة عن العمل وماتستحقين مكافاة حافز
وطبعا مستحيل مايلقون لكم وظائف .. عادي تغسلون اموات وتغلفون بساكيت ويمكن بعد يشغلونا في البيوت شغالات ماعاد بقى الا هي
والعيال لقوا لهم في البلدية ينظفون الشوارع وسواقين لندن زي اللي في المولات ..
يعني في كلا الحالات ماراح يصرفون لاحد شئ من مكافاة حافز ..
حسبنا الله ونعم الوكيل
قرارات ملكية تنزل وماتطبق ..
الله يصبرنا ويعوضنا خير يارب


(( وجهة نظر لا اكثر ولا اقل ))