هلا والله أخوي

شوف انا كنت أشتغل في موبايلي ( القسم النسائي طبعاً ) خدمة عملاء إللي هي كول سنتر .. بس أستقلت أول ما جابو شركة حلول الأعمال لانو رواتبهم الصراحة ضعيفة ..

على العموم العمل في موبايلي إحترافي لدرجة كبيرة بمعني إنك تلتزم بالجدول على الثانية و كل شي مسجل عندهم في النظام عشان كذا محد يقدر يضلمك و أنت تعرف إللي لك إللي عليك .. و بما أنك مبيعات فهذا أحس بكثييييييييير من الكول سنتر و دوامهم أرحم شوي ..

و كل شي يعتمد على المشرف تبعك إذا كان طيب فأمورك حلوة إذا كان لأ الله يعينك .. و بالنسبة للبونص ما ينزل بسرعة يتأخر كثير ..

و بالنسبة للمستقبل بأذن الله فموبايلي مستحيل أنك تجلس في نفس الوظيفة أكثر من سنتين إلى ثلاث سنوات إلا إذا كنت تبغى دئماً فية تغيير و تطوير و إذا أثبت نفسك ( بالذات في اللغة الأنجليزية و الحاسب ) راح ينقلوك لأقسام ثانية بسرعة .. في كثير من البنات إللى بيقيو بعد ما أستقلت صارو مشرفات ..

بقولك على حاجة مهمممممممممممة .. أنتبة من القيل و القال و نقل الكلام .. مع انه انا كنت في القسم النسائي بس مشاكل قسم الشباب بسبب تنقيل الكلام شي يشيب .. فأنتبة على كلامك و خلي علاقتك طيبة مع مشرفك ..

و سلامتك .. طولتها بس حبيت أفيدك ..و إذا عندك إستفسار تفضل ما يردك إلا الكيبورد ..

بس أبغى منك دعوة بأنه يقبلوني أم القرى معيدة .. التقديم الأسبوع الجاي بأذن الله ..