اولا السلام عليكم ورحمة الله وبركاته ثانيا خذ نفس عميق جدا لاني احس اني مخنوقه مره السالفه وما فيها ياطويل العمر والسلامه توظفت في معهد كمدربة حاسب وكان عن طريق صندوق عبداللطيف .......الى هنا تمام داومت في المعهد لمدة شهر وثلاث اسابيع وكانت على النحو التالي الاسبوع الاول هو اختبار لي وبدون مقابل يعني اشتغلت اسبوع مجاناً بعدها اشتغلت شهر وبدا يحسبون لي راتب بعد الشهر تاخروا على في تسليم راتبي مع اني طلبتهم اكثر من مره لكنهم يماطلون انتظرت معهم اسبوعين بعدين تركتهم لاني مو مستعده اشتغل شهر ثاني كمان مجاناً في الاتفاق اللي بيني وبينهم كان انو في حال تركي للعمل بدون ما اعطيهم خبر قبل بشهر سيرفع اسمي لصندوق تنمية الموارد البشريه واحرم من حقي في الصندوق طبعا المعهد من يوم كنت موظفه معهم كانوا شغالين رفع في ذا الاسماء وكانت عارفه انه بيجي الدور علي اللي استجد في الموضوع انه حتى تاريخ اليوم ما استلمت راتبي وفوق هذا كله رفعوا اسمي للصندوق تنمية الموارد وصندوق عبداللطيف يعني حشفاً وسو كيلا واليوم دخلت معهم في مشاده كلاميه طويله عريضه في انهم مايملكون الحق في حرماني من راتبي طالما اتفاقنا كان على انهم بس يرفعون اسمي للصندوق ادري اني غلطت بتركي للعمل لكن مو من حقهم يحرموني راتبي مع العمل اني لما كنت عندهم قالوا لي انو صندوق التنميه بيرسل لي خطاب اوقع عليه عشان يزيدون راتبي لكن السكرتيره قالت لي لاتوقعين عليه خليهم يرسلون لك اكثر من خطاب بعدين وقعي وبصراحه ما ادري ليش كانت تقول كذا لاني لما كنت اسالها كنت تقول احسن لك طبعا انا ماو صلني ولا خطاب لكني كنت بوقع في حال وصلني شي وما كنت بسمع كلامها اللي ابغى اعرفه منك هل لي الحق اني اطالب براتبي ؟؟ وايش اللي المفروض اسويه ؟؟ وليش كانوا حريصين اني ما اوقع على خطاب صندوق التنمية ؟؟ لاني ابغى اتكلم معهم وانا عارفه اللي لي واللي علي حتى ما انظلم بصراحه اكبر المعاهد هذي اكبر مكان نضطهد فيه والصندوق هو اللي مقويهم علينا فيه نقطه مهمه : انا عملت للمعهد كم من اعلان عن وظائف محتاجينها وكان توصلهم سير ذاتيه بالهبل يعني انا ماتركتهم يضربون اخماس في اسداس لا رحت وفيه بدل البديله الف وحده طبعا هم كان كل يوم يشكروني على هالاعلان اللي وصلهم فوق الريح واليوم من قهري منهم بغيت اقول اعطوني قيمة الاعلان اللي نشرته لكم والله لاتشرهون علي بس والله من القهر اللي فيني