السلام عليكم
اقتباس:
بنوتات انا حابه ابيع
حاجات على بنات الدديره تعرفون ماعندهم اسوواق زي العالم
على العلم متسلفه الف من امي كيف ابد وش اشتري احس بتشتت
عندي بنت عمي تدرس بالديره كيف اشغلهاا معي
|
هلا اختي
ابدي بنص المبلغ
_جيبي كميه بسيطه من كل شي تتوقعين محتاجينه بنات الديره
شوفي اللي حولك يروحون يشترون ايش من خارج الديره ؟
اسالي اللي حولك من صديقات واقارب وش الاشياء اللي يحتاجوها باستمرار؟
لاتستعجلين خذي وقت كافي للسوال بعدها توكلي على الله
مبلغ البيع يكون معقول لو كان فيه فرق كبير جدا ماحد راح يشتري
اذا شفتي انك ربحانه جيبي كميه كبيره
وطمنينا ايش يصير معاك
فيه حل اخر
وهو تجمعين طلبات لفتره معينه وتشترينها لهم
يعني ماتشترين شي الا يكون مطلوب منهم
وماتخذين اي مبلغ عند الطلب
تاخذين القيمه بعد مايكون متوفر عندك
حتى ماتدخلين في نهي بيع مالاتملكين
بعد ماتشوفين الطلبات بتعرفين احتياجات الديره واكثر شي مرغوب
جيبي كميه
اي مشكله لاتتردين بالاستفسار ..
عندي افكار لك بعد ماتبدين المشروع راح ابلغك ان شاء الله
بس بلغينا انك بديتي
اقتباس:
انا لسه متردده لان اكثر من مره حاولت وللاسف دايم افشل او ما القى تشجيع
يابنات والله اني عندي افكار وحماس للشغل بس احس قدامي صعوبات كثيره
واكبرها اهلي ما يرضون لي لا اطلع مع سواق الا ثقه ولا اختلط ولا اروح محلات
وش اسوي بالله وانا مقدر اوقف بوجه اهلي خاصه اني اخاف افشل واكون عاندت اهلي
ياما حاولت عندي خبره كبيره في التصاميم والفوتوشوب
وغير كذا عندي خبره في التزيين والتصميم الداخلي
بس كل اللي اطلبه من ربي ان يسهل امري
ومهما صار راح احاول وما راح ارضى بالفشل
|
عزيزتي اذا المشكله بس بالاهل ومعارضين على الطلعه
حلها بسيط ان شاء الله
يكفي انك تعرضين شغلك بالنت واللي يعجبه توصلين له عن طريق مندوب او شركات الشحن
حتى المندوب يقدر هو بنفسه يوصلك الاغراض للشركات موبس الزباين
بكذا انتي بديتي مشروعك وانتي بالبيت بدون زعل من الاهل
وكل انسان لازم تواجهه صعوبات مافيه شي يجي بسهوله
توكلي على ربك وتتيسر ان شاء الله
اقتباس:
روعة
ياليت اعرف اتاجر عن طريق النت
نفسي يكون لي محل بيع وشراء
وبالنت
بس ماعرف ؟!
|
وش اللي ماتعرفينه بالضبط ؟؟
اسالي اي سوال وان شاء الله الكل يفيدك