اقتباس:
المشاركة الأصلية كتبت بواسطة العزة للإسلام
الله يجزاك خير على سرعة تجاوبك معي
بس انا من اهل الرياض ماادري انت من اي منطقة ولو ابغى اتعلم منك او مثلا كيف يتم الاتفاق بالعقود وطريقة وين احصل المحلات الي تبيع وهل يبعون بالجملة ولا كيف ومين الي يعطي الضمان؟؟؟ هل المقاول ؟؟؟؟ام الشركة؟؟؟
|
اخوي الله يحفظك ويبارك لك بعمرك ..
الرياض فيها شغل مو طبيعي في كل المجالات ... لكن اي شغل تختاره لازم تكون عندك قوة قلب
الشغل اللي تختاره لازم يكون محبب لك .. خلينا نقول هوايه عشان تبدع فيه ...
المحلات اللي تبيع طالما انت من الرياض روح للمصنع افضل عشان تاخذه بسعر كويس
عندك مصنعين بالرياض وانا ذكرتهم بالموضوع وما يمنع اكتبهم لك :
مصنع تكنوكلادينج ( ممكن ازودك برقمهم )
مصنع تكنو بانل ...
سعر المتر من المصنع من 70 الي 73 ريال ... ( هذا سعر مصنع تكنوكلاديج )
الضمان :
الضمان على المنتج ككل من التقوسات او الضربات بالمنتج هذا من المصنع
لان المصنع يضمن لك ان المنتج ما يتقوس مع السنين ..
وكمان لو احد ضرب المنتج ما يسبب له تشوه
وكذلك يضمن عدم اختلاف اللون مع مرور السنين .
اما ضمان التركيب فهذا منك كمقاول وليس من المصنع ...
التعاقد وهالاشياء امرها بسيط ...
اي شي تحب تستفسر عنه انت او الاخوان انا حاضر سواء هنا او من خلال الرسائل الخاصه
رغم اني افضل ان تتم الاسئلة والاجوبة هنا على العام من اجل الفائدة للجميع
دمت 