السلام عليكم , كيفكم ي النشاما
اليوم رحت لهم اللي بالخرج والأمور سهاله إن شاء الله دخلنا الساعه 8 تقريبا
أول شي عادي تعال بثوب جيب معك شهاداتك الصور والأصل وكرت العائلة و5 صور شخصيه مكشوف الرأس
أهم شي الصور لأن رجعوا ناس عشان م جابوا صور شخصيه
أول م دخلنا البوابه 2 جالسين على كرآسي ياخذ بطاقتك ويشوف إسمك موجود وإلا لا
بعدين ركبنا البآص ورحنا عند قسم القبول والتسجيل حاطين 4 غرف بكل غرفه لجنه
وزعونا بكل مجموعه لجنه عشان يخلصون بسرعه
طبعا يوم دخلنا اللجنه فيه 3 عساكر جالسين جيناهم بالدور ياخذ منك بطاقة الأحوال ورقم الطلب و5 صور شخصيه
ويعبي لك أوراق الكشف الطبي والبصمات والأحوال وبعد م يخلص يقول يلا روحوا البوفيه إلين م ينادوكم
جلسنا بالبوفيه وفطرنا وجو ينادونا بالإسامي يعطونك ورقة البصمات والأحوال ودفتر الإلتحاق وصفونا طابور
ومشينا إلين مركز الكشف الطبي يسووه لكم بنفس اليوم
دخلنا وجلسنا بالقاعه وجاء دكتور الأسنان كشف علينا وبعدها دخلنا الطول والوزن
عادي الطول يقيس لك وإنت لابس الشماغ والعقال بعدها دخلنا عند دكتور الجراحه يكشف على جسمك هع
بعدين دكتور الأذن والحنجره م سووا شي غير إنه حط السماعه على صدري وقال تسمع قلت إيه قال خلاص قم
بعدين النظر مدققين بالنظر كثيييييييييييير اللي م يعدي النظر ياخذون منه الأوراق
بعدين تحليل البول ( الله يكرمكم ) وبعدها خلاص ركبنا الباص وطلعنا
وقالوا أوراق البصمات والأحوال تعبونها وتجيبونها بعد العيد بإسبوعين او 3
وفالكم القبول ي رب وبالتوفيق لكم