هلابك روعه احلامي
والحمد لله سهلت امورك والله يسهل عليك ل صعب
وودي اعلق على كل كلمه بس ماعرف للاقتباس
بس بقولك مشغل الخياطه حلو بس انا عايشه في الرياض
الحي الواحد ليت من يصور لك كم فيه مشغل خياطه
يعني بالصريح مافيه تميز
والمشاغل النسائيه
والي يقالك فيها تصمم مسويه فيها ايلي صعب
تضرب لك بسعر خيالي
الله بس لايعاقبنا
ونصرفها بالعافيه مهوب في تعب
يعني استغلال غير طبيعي
المشكله عندنا سخافه في عقول بعض الحريم
اهم شي انها مصممه
القهر لو تشوفين بعضهم
تصف لك هالفصوص وتقول تصميم
ادفعي سبعه سته
على اي اساس
احط سبعه الالاف في ليله وحده
انا عندي قناعه مافصل حتى بالف
تدرين بقولك مره قصتي
رحت لمشغل قريب من بيتي
وكانت صاحبته معروفه شوي وعائلتها معروفه عند مجتمعي
المهم ياطويله العمر انا معي موديلي
قلت وريني موديلات
قسم بالله طلعت لي اشياء تفشل
قلت كم اسعارك
قالت مهوب اقل من اربعه ثلاثه اقسى حد
قلت ليش بتخيطينه بالذهب
والزواج كان زواج اختي
قالت لي اخت العروس وتلبسين اقل من اربعه الالاف
قلت لها ليش مكتوب في الكتاب والسنه ان اخت العروس لازم تلبس
باربعه
سكتت
قلت معي موديل شايفته على نانسي عجرم
قالت بعد كنك كفو تلبسين زي موديل نانسي
<<<<<<<<<<. نو كومنت ساعتها
عاد انا عومه اهم شي عندي التعامل والذوق ماتهم الفلوس
كل مشغل ادخله اذا شفت رفعه صوت اطلع لو هو اطلق مشغل
يعني بالله هاذي مصممه
عقبها حلفت مادخل مشاغل نسائيه
وبصراحه ودي اخذ دوره في التصميم
ازيدفيها خبرتي
لانه كان من ضمن دراستي
وتصاميمي كانت الحمد لله تعجب دكتورتي
وحتى مره سويت عمل مدخل للمنزل
طلبت مني دكتوره تشتريه مني رفضت
يعني الحمد لله فيني معرفه شوي
بس مافيه عندنا مجالات وضروف تساعد
المجتمع اسوء حضن يساعد
ضروف اسوء من السيئه
فرص فقيره جدا جدا
عشان كذا الحرمه في السعوديه عموما
تلجا لاي شي تلقى فيه الانا الي بداخلها
الي موتها فيها نظره الرجل السعودي
ان الحرمه للبيت وعيال وطبخ وبس
مع انها مبدعه ومعها شهاده
وطموح بس تجي تعيش
في بيئه تنبذها
نبذ
على فكره عشان اعلم الكل سخافه تفكير مجتمعي
ان الحمد لله عندي موهبه الكتابه
تخيلي الوالد يوم شافني اكتب مقالات وخواطر وشعر
شقها قال ماعندنا بنات تكتب
طيب انا اكتب عن اشياء عامه ماتطرق لا فيها لحب ولاغيرها
ويوم تزوجت تخيلي
كتبت لين امتلت ادراجي
وحصلت في ياتي حادثه اثرت فيني مره
كتبت مقال عنها بدون مبالغه ابهرت الكل
حتى المايبي يمدحني عبر غصب عنه
طلبت زوجي قلت تكفى ابغا انزله في جريده
تفيد البعض
وكنت اعني بها فئه معينه
قال اقول بس يلا
فاضي اطلب النلس انشروا مقال زوجتي
حطيها في النت وبس
يعني حتى احساس الانسان انحرمنا
الكلام صار ممنوع وشلون الوظايف والمشاريع
سوري طولت