اقتباس: المشاركة الأصلية كتبت بواسطة ضاع عمري خساره بسم الله الرحمن الرحيم اتمنى الجنيع بخير وسلامه هاذي اول مشاركه لي كنت زائره في المنتدى لكن تحمست اسجل لان فيه امور ونقاشات لامست خاطري بصراحه -مرحبا مليون وجت على الجرح مثل مايقولون -جرحنا وجرحك واحد انا قصتي قصه ويبي لهازمن اقولها لكن مابي اطول عليكم عشان ماتقولون -ابد ياقلبي خذي راحتك وفضفضي على كيفك كلنا هنا اخوات في الله جمعتنا هوايات وطموح واهداف متشابهه ومتقاربه ..وتجمعنا ميزة وحده وهي تاج على رؤسنا((الانوثة)) بدايه انا خريجه كليه التربيه للاقتصاد المنزلي اختصاص خياطه دخلت هالقسم ماحبه بصراحه لكن سبحان الله سهل الله علي وتسهلت اموري وحبيت قسمي من المجموعه الي تعرفت عليها كافحت وتعبت تزوجت وحملت وكنت في اخر الشهور اشيل مانكاني ومكينتي -يعجبني هذا الكفااااااااااااااااحماشاءالله..عليك.. تخرجت بتقدير جيد جدا الحمد لله بس جلست عشر سنوات في البيت مليت تعبت ربيت كرفت انواع الكرف -عزيزتي تعبك على عيالك وزوجك احتسبيه عندالله..اجر الام كبير عندالله..انت امرأة عظيمة لانك قدرتي تتحملين اعباء اسرتك ودراستك..فجزاك الله خير.. فكرت بمشروع الطبخ بس ماكنت اقدر اطبخ لان ضروفي ماكانت تسمح -غريبه !!ليه مافكرتي في الخياطة طالما هي تخصصك.؟!! كان فتحتي غرفه في بيتك مشغل..واشتغلتي على اقاربك وجاراتك..؟!كان دخلتي ذهب..لانك فاهمه الشغل عدل..او \الماعندك راس مال كان قدمتي على عامله هنديه خياطه وتشتغل في بيتك او تفحتي مشغل..؟! دورت حرمه تطبخ وانا امولها براس المال عن طريق اني افر لها كل الاغراض والاحتياجات اناراس مالي وهي بمجهودها ولقيت وبلحظه البدايه الواسطه في الموضوع خربت علي السالفه كلها الله يسامحها -انا تماما ضد الشراكة ..ممكن اشتغل مندوبه ..او اشغل احد عندي مندوبه..غير كذا لالالا بالذات الشراكه بين الاهل والاخوان وماياست دورت ولقيت وحده ثقه مره وعلاقتي فيها مره ممتازه بس قالت لي ابي سويق حلو عشان يمشي الشغل والله لايوريكم مهنا شي ماسويته برودكاست نشرت الرقم لكل العالم واخرتها وحده بس طلبت وضاعت باقي مجهوداتي الاغراض جلست الحرمه ماقصرت قالت لي من رايي تاخذين الاغراض ونوقف التفكير في الموضوع احبطت احباط ماتتخيلونه كنت ابي ابني لي شي ابي اسوي هدف لي مليت من روتين الحياه الملل كنت ابي اشغل نفسي بشي له مردود لي بس مليت من خياتي الي ضيعتها في تربيه بزران شغل وغيره -هذذذذذي ماحبيتها منك ابد..عيالك هم كل حياتك مالهم الا انت بعدالله..لاتندمي على تربيتك علشان مايستثقلوك في شيبتك.. اعطيهم حبك وحنانك وعطفك وعونك..بيجي يوم وتحتاجيهم..!! انا مانكر ان حياتي كلها في عيالي بس حرام راحت اجمل ايام عمري -صدقيني مو خساره بالعكس لوتعرفي قد ايش اجرك عند ربك ان شاءالله كان قلتي بزيد عيال.. وبعدين كلنا ربينا عيال..انا تزوجت بعد دراسة سنتين في جامعه الملك عبدالعزيز..قسم ادارة واقتصاد..ولما حملت تركت الجامعه..ولي الين12سنه كلها تربيه في تربيه..بس مبسوطه عندي ولد وبنتين هم روحي اللي اعيش بها..وهواي اللي اتنفسه..وعيوني اللي اشوف بها..الله يخليهم لي..ابديهم على نفسي دوم..لاكن بعد مااخلص شغلي اتفرغ لنفسي شوي..بس احس بالرضى التام عن نفسي لاني ماقصرت على عيالي..ثم على نفسي.. صارت حياتي متقوقعه في مجتمعي ماعندي علاقات نجحت حتى الصديقه الي طلعت بها بالدنيا رمتني بسهوله -معليش اقول لك سر هالمشكله..؟مااحسنتي اختيار صديقتك من البدايه..وبعدين واضح انك عفويه وعلى نياتك وتثقي في اي احد..وهذي صفات ماتنفع للتاجرة..لانه بتساعدها على الخسارة المستمره.. مليت ودي اكون نفسي مانكر ان حلمي الوحيد بصراحه الدراسه ودي احصل على الماجستير بس مالقيت جامعات تعمل بالتعليم عن بعد لاني ماقدر اتنظم صبرت قالوا بيفتحون -فيه حبيبتي ..جامعة الملك عبد العزيز التعليم عن بعد..ادخلي الموقع تبعهم.. بس حلمت بمشروع لي عرضت علي وحده مشروع محل لبيع البسه تقليد الماركات بس فيما بعد حسيتها تبي المشروع لحالها ماحبيت احرجها سكت وسكت لين تعبت -لاتسكتي على حقك لوكان عند ابوك.. ليه تنتظري احد يقول لك تعالي نسوي مشروع..؟!!!!!! طالماعندك راس مال ابدئي لوحدك ومعك ربك.. لقيت هالمنتدى واحنا لقيناك.خخخخ وبالاخص هالموضوع هالنقاش الي يمكن الله من خلاله يفتح علي ابواب مسكره والله يرزقني ويرزق الجميع يارب المدخول المادي مافيه احد يرفضه لكن المردود المعنوي ياسلام عليه -عجبتني هالعبارات وذبحتني.. هو الاهم حلو تصحى على امل وهدف تبني منه نفسك -الاحلى تصحي امنه في بيتك..وحولك عيالك وانت واياهم بصحة وعافيه..وبعدها تقومي لمشروعك اللي ينتظر سيدته الناجحة.. مجتمع حجرني بصراحه بتفاهه تفكيره -لو تركنا المجتمع يتحكم فينا كنا مادخلنا الابتدائي.. حسيت اني من كثر سخافات العقول والحوار الي اشوفه في مجتمعي -ترفعي اذن عن تفاهاتهم وابتعدي عنهم بجسدك وعقلك.. وكثره المشاكل حسيت اني ماخذت شهاده جامعيه وحتى شهاده الخلق الي الانسان يتمنى يوصلها حسيتني بخسر اشياء كثيره السموحه طولت عليكم بس الجرح كتم انفاسي -بالعكس بالغاليه هذا كوفي خاص بالبنات ..يفضفضوا يضحكوا يبكوا..يمزحوا مع بعض..اي وقت تحتاجي اخوات يسمعوك لاتترددي ابددددددددد.. ماراح اقول وحيده عندي رب العالمين في وقت الكل فكر لي نفسه بانانيه -تدرين ليش الناس مافكرت فيك..وكل يفكر بنفسه ..؟؟لانك انت نسيتي نفسك شوي..بس مومشكله الماضي نتركة لنتعلم منه فقط وليس للوقوف على اطلاله للبكاءوالندم.. بس الانسان يحتاج الكلمه الطيبه والراي الصح من غيره الي يملكون خبره اكثر الرسول اللهم صلي وسلم عليه يق ل الكلمه الطيبه صدقه وللاسف الي معهم بخلوا على نفسه لو بالصدقه -ياعيوني ..علمي اولادك كيف يعبروا لك عن حبهم..وانت كمان..وباقي الناس لاتهتمي ولاتنتظري منهم كلام حلوووو..(تعرفي مين اقصد)خخخخ الشكر لكل من مر وقرى كلماتي -العفو ياقللللللبي وحتى الي ماقراها مشكور وارجو الي كلماتي اثرت فيه يعطيني راي يمكن يتماشى مع ضروفي -كلماتك هي كلمات اغلب الامهات..وانا وحدة منهم..علشان كذا نصحتك بالاشياء اللي نفعتني تجربتها.. مشكورين ويعطيكم العافيه الله يعطيك العافيه..ومشاركتك رائعه وحركت مشاعرنا جميع..وذكرتنا بالماضي.. خليك معنا اول باول ويد بيد .. ونصيحتي لك..افتحي مشغل وجيبي لك عاملتين ..وقوي قلبك وشخصيتك.. وانتطلقي الى مشروعك الناجح باذن الله..