بجد روووعه ويعطيكي الف عافيه
لكن المشكله في بنات دماغهم ملحوس بس تسمع الكلام الحلو تسير هبله 
وحتى احيانا يكونو عارفين انو الشباب بكاشين بس يستمرو لانهم يبغو يسمعو الكلام الحلو
والسبب برأيي واللي شفتو من اكثر البنات انو اهلهم مو مقدرينهم ومو مهتمين فيهم وعلشان
كذا هما بيدورو الشخص اللي يهتم فيهم..
اما بالنسبة للشباب هنا في البلد (والعرب بشكل عام) عندهم ازدواجية مرعبه
تلاقيه يجري ورا البنت وهيا بتقول امشي انقلع انا مو حقت الكلام هذا وهوا لسى
وجهو قوي شكلو يغسلو بموية اسمنت..ولمن ينزل السوق مع اهلو وجا شاب وجلس يطل في
زوجتو والا اختو والا امو اتجنن واتحول للرجل الاخضر واضارب معاه مع انو يسوي نفس
الشي..بجد رجال مالها شخصية..
والشاب اللي يلعب دور "دون جوان" على بنات خلق الله يتذكر اخواتو ولو ماعندو اخوات
يتذكر امو خالتو عمتو اللي هيا..ويتذكر انو ربي يراقبو ويمهل ولا يهمل ويقدر يرد كيدو على
اهلو حتى لو كانو اشرف من الشرف ومايطلعو من البيت "والزاني يزنى بأهله ولو بعد حين"