السلام عليكم ورحمة الله وبركاته

حبيت انزل موضوع وانا توني واصل وتعبان

بس عارف فيه اخوان ينتظرون اي خبر يخص القبول في الامن العام

اولاً انا جيت يوم السبت وصفونا طابور مجموعات وتم طرد اي شخص بدون حاسب 6 اشهر

وتم طرد الي مالتزمو في التحليق والمطلوب من 4 الى 1 تحليق

وبعدها تمر من عند الحديده طولها 170 اذا ماوصلتها مع الباب بدون تفاهم

وبعد ما تم صفونا طوابير تم الختم على الشهادة ونجي يوم الاحد وطلعنا الساعه 9 صباحاً

ورجعنا يوم الاحد الي هو اليوم وبعدها مثل السبت طوابير وبعدين الي ختم على طول يصف عند المقياس

ويتم المقياس والي ينقبل يحطون ملفه عند نقيب او رائد ماتاكدت يختم عليها

وبعدها انتظرنا في الصاله مريحه جداً مكيفه بس طولنا فوق 3 ساعات ننتظر

وبعدها ينادون بالاسامي وياخذون ثلاث صور والي من الرياض اربع صور وبطاقة الاحوال

وينتظر ويستلم الملف الاصفر ( والي خارج الرياض يستلم اوراق الفحص ) ( الرياض يسجلون رقمه ويدقون عليه)

نقاط متفرقه من الي صاير ،،

- التنظيم فاشل لابعد الحدود

- نصيحه لا حد يجي متاخر حاول قبل 6 زحمه على البوابة مادخلنا غير 8

- الي اقل من 170 وبدون واسطه نصيحه لا يتعب نفسه طبعاً اتكلم عن الحديده ( ولك الحق تعترض ويقسونك بالمقياس في الساحه)

- لازم لبس رياضه وتحليق من رقم اربعه الى واحد مكينه

- شهادة الحاسب لو قبل الثانوي مقبول حتى لو قبل عشر سنوات

- شهادة الحاسب لازم فيها تاريخ ابتداء وانتهاء ( تم طرد نصف الطابور عشان التاريخ البدء والانتهاء)

- اي شخص بدون موعد قبول يقدر يسجل _ التسجيل مفتوح لجميع المتقدمين __ نقطه مهمه للي مانقبل

- اي شخص موعده متاخر يروح لهم مايعترفون بالقبول المبدئي ابد

اتمنا مانسيت شي واي سوال انا حاظر واتمنا الدعوه الصادقه فقط