اقتباس:
المشاركة الأصلية كتبت بواسطة فوفو الرياض
الله يعين اللي بيدخلها بيلعن الساعه اللي سجل في ذي الشركه
اولأ / المدراء كوولهم اجانب مدراء المعارض ويستقعدون لك في كل كبيره وصغيره والترقيات ماشيه للأجانب والسعودي يجي بعده !!
ثانيأ / اذ حصلت لك وظيفه وتبي تتركها لازم تقدم استقالتك وراح تداوم معهم شهر وبعدين يقبلونها وغير كذا مرفوض واذ تركتها راح تدفع مبلغ للشركه يقولون انهم تعبو عليك ودربوك ومدري وش برغم ان التدريب يوم واحد الا ساعتين فقط لا اكثر
والكاشير المسكين راح يتبهذل من الخصميات اذ طلع عنده شورت كول يوم ما اعتقد راح يستلم راتبه
والدوام راح تداوم 11 او 12 ساعه او اكثر ولا يحسب لك فورتايم يقولون راح تبقى في رصيدك ويعطونك فيها ايام راحه طبعأ ماراح تاخذها ع طول لا يعني يوم او يومين تاخذها بالشهر او الشهرين او الثلاث اشهر
انا داومت فيها اكثر من ثلاث اشهر ولا شفت الساعات الأضافيه اللي داومتها لين تركتها
والأجنبي الساعات اللي يداومها تحسب له فورتايم !!!
مدري وين مكتب العمل عنهم وحقوق الأنسان
اخ بديرتك وكأنك اجنبي !!!
ع العموووم افشل شركه عرفتها على مر حياتي هي شركة الشايع
واتمنى ماحد ياخذ بكلامي التجربه خير برهان
والله يعينكم
|
يافوفو ياحبيب قلبي بالنسبة للنقطة الثانيه هذا نظام مكتب العمل انك لين بتترك وظيفتك اما انك تداوم شهر قدام او تدفع لهم راتب يسموه شهر انذار اتوقع
وبالنسبة للدوام انت تقول 10 او 12 ساعه تداوم,, الكلام غير صحيح
الدوام الرسمي 8 ساعات بدون اوقات الصلاة او البريك يعني لو تحسبها تلاقها انه 8 ساعات دوام+اوقات الصلاة مثلا نص ساعه الظهر ونص ساعه العصر هذي ساعه واذا طلعت بريك لمدة ساعه هذي ساعه كمان يعني يصير 8 ساعات دوام فعلي + 2 ساعه بريكات
اما على المدراء انه كلهم اجانب انا اتفق وياك في هالنقطة لكن هناك سبب خلف ذلك , انا بصراحه اشوف الهندي يمشي الشغل اكثر من السعودي , غير كدا السعوديين اللي في المعارض ياشيخ كلهم مايعرفوا انجليزي , من وين بتصير مدير معرض مثلا وانت انجليزي ماعندك لانه المعاملات والعمليات مع الشركة كلها بالانجليزي ويجوك مسؤلين اجانب من فوق , من وين انت وياه تبي تصير مدير معرض وانت كلمتين على بعضهم بالانجلييزي ماتعرف تركب
ياخي صير اوكي في الانجليزي وخلي عندك مهارات حلوه وابشر بمنصب حلو