ووحشً قرونـه أربـع فـوق راسـه
ثم يظهر الحادي عشـر مـع أساسـه
ويكسر ثلاث قرون مـن قـوّ باسـه
ويصير مثـل الآدمـي فـمّ وعيـون
وبالكفـر والالحـاد يبـدا يتـفـوه
تـوه بـدا وبغايـة الشـرك تــوه
قرنٍ براس الوحـش شكلـه مشـوه
كنه شرب من خمرة الـراس جالـون
وفجأة يجي الله فوق عرشٍ مـن النـور
عرشٍ سنا نـوره تقـل فـت بلّـور
قدمه يرى نهـرٍ مـن النـور منثـور
حوله ملائكـة السمـاوات يمشـون
ثم يفتحون الكتب مـن كـل خانـه
والوحش ابو قرون احترق في مكانـه
كله يمـوت الا هـك القـرن عانـه
يدعو خلفهم للكفـر ليـن يدعـون
يدعون من جات السحايـب تشيلـه
يمثـل أمـام الله ويرخـي شليـلـه
ويعطيه ملـكِ مـا يوصـف مثيلـه
وتخضع له الدنيا اجمـعٍ روس وقـرون
هو احمد الخاتم وهـو ابـن الانسـان
في لفظ (برناشا) لو انْ فيكـم اذهـان
وتفسيرها في كتبكـم خيـر برهـان
إنه محمـد , لـو تروحـون وتجـون
وما قال فيه اكبر كهنـة آل كلـدان
(دافيد بنجامين) قـسّ اهـل ايـران
اكبر دليـلٍ لـه يزوغـنّ الاذهـان
والا على ويش اهتدي هـو وخاتـون
قال :بن الانسان أحمدٍ ما تبـي شـو
روالقرن قسطنطين لآبـوه مـن ثـور
اللـي بـدا التثليـث دورا ورا دور
وصرتوا معـه باللـي ينـادي تنـادون
وابليس منكم لبّس اثنـا عشـر قـس
ثوب الخزى ما هو حريـرٍ وسنـدس
يا ليت فيكـم بـسّ مثـل المقوقـس
يحفـظ لسانـه مـن علـومٍ تجيبـون
وفي سفر (شعيا) فصل ثاني وعشريـن
صفة محمد مع هـل الخـف والقيـن
وجبال مكـه والحجـر والحجازيـن
لكنكم عـن مكركـم مـا تجـوزون
وفي سفر (عوبديا) وفي سفر (حزقيـل)
وفي سفر حبقوقٍ وفي سفر (صمويـل)
واربع طعش سفرٍ عدا كل مـا قيـل
فيها احمد مذكور بالشكـل واللـون
واما وفـي العهـد الجديـدُ لديهـم
فـي كتبهـم ألفيـن شاهـد عليهـم
وماجائنـا منهـم سيرجـع إليـهـم
وقسيسهم من أكله السحت مبطـون
في سفر (يوحنا) و (لوقـا) و (متّـى)
وفي سفر (مرقس) والروايـات شتّـى
عن احمدٍ مـا يثلـج الصـدر حتّـى
ينام طيـب حـال والوجـه ميمـون
أحمد هو الطفل اليتيـم اللـي اخفـوا
ذكره, وهم في عهدة الرب ما اوفـوا
لله طفـلٍ ساعـة النـصـر يعـفـو
طفـلٍ وهـو لمدوّرالعـون ماعـون
هاك اليتيم اللي على جانـب العـرش
مكتوبٍ اسمه بأمر من يحيـي الطـرش
منجي غريق الموج من عضة القـرش
فـي غبـةٍ سباحهـا مـا يعـومـون
وقولة (بحيرى) عنـه لأقـرب عمامـه
عـن شـأن طفـلٍ ظللتـه الغمامـه
عليـه شـاف مـن النبـوّة علامـه
وقال اجنبوا به من قبـل لا تضيعـون
اللي لقت فـي قربـه امـه حليمـه
غنيمـة يـا كبرهـا مـن غنيـمـة
وهي قبل قربـه لاش خيمـه وغيمـه
عيالهـا مـن شـدة الجـوع يبكـون
طفل ملائكـة السمـا فـي فـؤاده
حطوا له الثلجـه عـوض للسـواده
شقوا صديـره وهـو طفـل وعـاده
صغير ما يدري عـن اللـي يحطـون
هاك اليتيم اللي غشت وجهها الشمس
ومشاعره خطرٍ عليهـا مـن الهمـس
وبرغم ذا ما حشموها عـن اللمـس
لمسة رماح ابنا عمامه لـدى الكـون
وبالرغم مـن هـذا ترضـى عليهـم
وتحمـل اكبـر غلطـةٍ مـن بنيهـم
ولا طاوعه ضامـره يدعـي عليهـم
ولو دعى راحـوا كمـا راح قـارون
هـاك اليتيـم اللـي عيونـه تقاطـر
رحمـه لقومـه كالمـزون المـواطـر
لعيونهـم شـال الأذى والمخـاطـر
ما كنْ بلقبه مـن أذى سبهـم لـون