[align=center]الله يوفقك انت وصديقك وييسر لكم وينفعكم بفلوسكم

جت فبـالي فكره مقهى إنترنت + وركن للتصوير والطباعه
بس حسيت 200 الف كثيره عليه مره

بس مدري بالقنفذه فيه مقاهي انترنت كثيره او لا احس كثير شباب
يحتاجون النت ومايكون متوفر عندهم بس مدري هالقنفذه مدينه ولاقريه ولامحافظه خخخ

يعني لو مثلاً قليل المقاهي عندكم .. فكر بهالفكره والكمبيوترات لاتاخذ واجد يعني اقل من عشره

والساعه عشره ريال واذا مثلاً ساعتين تخليها 15

بس مدري دخلها يمكن يكون بسيط على حسب الزباين يعني هذا واحد من الاقتراحات


الاقتراح الثاني .. سوبر ماركت مع محل خضره بس فيها خدمة توصيل
بجنبنا بقاله توصل واحياناً نتضطر ناخذ منها اسعارها نوعا ما غاليه غير عن السوبر ماركتات
الكبار يعني الاشياء اللي تجي عليها عروض مثل بنده وكارفور ياخذون منها ويبيعون بسعر غالي وسعر الحبه من العروض

الاقتراح الثالث فكرو بشيء للحريم
والله انه اي شيء يخصنا انه شيء بيكون مره ناااجح
محل عبايات مثلاً محل مكياج وعطورات

العبايات عندنا بالخبر محلات بالهبل وكل محل يقول الزود عندي
واسعار متفاوته كل راس مالها محل مرتب وعامل وخياط واحد كبدايه يعني

والله بتشوف الحريم دود على محل العبي طبعاً لازم خياطه نظيفه وموديلات حلوه
وجديده عندنا العبايات اغلب المحلات تبدأ بـ 200 وفوق وبعضها توصل 500

يعني تخيل فاليوم جوك نقول مابين 5 او 6 زبونات والعبايات متفاوته بين 250 و 200 و 300

شوف كم بيطلع لك فاليوم

نقول 6*200 = يطلع لك 1200
اللي عليك تجيبه للخياط مكينه واقمشة طرح واقمشة عبي كويسه تجيك بالجمله
وكلف حقت العبي وخيوط للتطريز

صدقني مشروع العبايات ناجح مييييييييه بالميه

والاهم من كذا اي مشروع لازم لازم لازم اعلانات للانتشار

والله يوفقك يارب واذا تبي اي شيء بخصوص مشروع العبايات انا حاضره

الله يوفقكم يارب
[/align]