المهم يوم نطيت يجي كوعي على الاسفلت ...واقعد اصيح اصيح ويجي م.ع.ع.ح ويسحبني ويدخلني السيارة ونرجع للخبر .... ...
بعدها بيومين اتصل علي وسألني بخبث ...وش عندك اليوم....رديت عليه بخبث....ما عندي شي....قالي اجل جهز نفسك بنروح اليوم البحرين....قلت له ابشر....
في الطريق قلت له اريد ان اتناول وجبة العشاء...فأقسم لي بأن الوقت لايسمح ....نظر الي بحزن وقال لي ماذا تريد...قلت له اريد القليل من الخميرة مع كبدة مشوية وعليها المزيد من الحلبة....وقليلا من عصير المنجا.....قال لي .....يصير خير.....وما لبث ان توقف عند احد المطاعم وقالي : مافيه الا شاورما وتخب عليك بعد....قلت له اوكي عطنا شاورما....وبعد ما جابها مشينا للبحرين....تعشيت في الطريق....وبعد ما انتهيت من العشا
قالي بنروح ل*جزء من النص مفقود* عشان نتفرج على خلق الله.....قلت له انا اموت في خلق الله ....واول ما وصلنا لل*جزء من النص مفقود* كنا ندور موقف....وقفنا وجينا بندخل الفندق واطالع على اليمين واشوف سيارات موقفة على الارصفة....والمشكلة انها بلوحات سعودية....ويوم دخلنا دفعنا 50 ريال عن كل شخص ....قالي خويي خلنا نروح للروس....(الروس جمع مكسر لكلمة روسيا...ومفردها روسي واحد....) واول ما دخلت اشوف بنات ...رجعت للمدعو م.ع.ع.ح طالع فيني قال وش فيك....قلت له ولا شي بس الظاهر اننا دخلنا بالغلط محل عوايل.....رحنا للقسم العربي ...........ويـــــــــــــــــــــــــاليـــــــــ ــــتــــــــــنا مارحنا....
دخلنا وشفت بعيني قمة الانحطاط ....حريم يتمايلون ....ويضحكون على الشباب بضحكة تخفي وراها الكثير من الخبث والغايات المادية....ويوهمون شبابنا انهن يحبونهم....المشكلة ان وحدة لو تشوفونها تقولون قوطي بيبسي ابو 4 ريال....ومسويه فيها البنت الرشيقة وكل شوي تقوم تنقز وتجري على بالها انها غزال.....والارض تهتز من تحتها....شباب في عمر الزهور يضيع مصروفه وقوت اهله وتعب شهر يصرفه في ساعات .....
في واحد كان جالس قدامي ومعه اثنين من خويانه وطب في وحدة اعوذ بالله ....مافيها من الحلا شي ....الشباب اللي كانوا مقابلين لنا يطالعون فينا ويأشرون لنا....الظاهر يبون حاجة مو كويسة......انا اكلت معي......وش هالحركات قلت لم.ع.ع.ح اقوم افقع وجيههم الحين...قالي اعقل .....هم اكثر منا.....قلت له ايوة صدقت....مع اني ماشفت الا اثنين بس...المهم ....احنا نحسبهم يطالعون فينا...اثاريهم يطالعون في البنات اللي ورانا....وحنا من زود الصجة انعمينا...
في وحدة تطالع فيني وتضحك....على بالها اني من الجحلط اللي في بالها....وكانت مصرة انها تتعرف علي.....قالي خويي الخمسمية اللي في جيبك طالعه....انتبه لا تطيح.....ويوم دخلتها في جيبي ماعاد شفت البنت....
ووحدة ثانية واقفة قدامي....قلت لم.ع.ع.ح:::يام.ع.ع.ح هل تسمعني
قال م.ع.ع.ح: ايه اسمعك وش عندك؟
قلت له: ودك انتفها بالكاسة في قفاها....حول....اذا ودك ابشر باللي ينتفها يخليها اشلاء متناثرة...
قالي: اركد لا انتفك انا محنا ناقصين مشاكل....فاهم....حول..
قلت : طيب خلاص لاتنفخ....حول
قالي : ابلع العافية لا ننضرب ضربا مبرحا....حول...
قلت له: انا بأرمي الكاسة في قفاها....واذا مسكنا الامن نقول ان اللي جنبنا هو اللي رمى....حول...
قالي: انت منت صاحي.....اصلا ما في احد جنبنا....يعني الجرية فينا فينا....اركد لا اقوم اتوطاك انت واللي جنبك...حول
قلت : له طيب خلنا نطلع من هنا....حول....
هو حوّل وانا طلعت.....
بعد ما دخنا من قوة الازعاج....حولنا للروسي.....فيه خمس بنات يغنون....جيت انا جلست على طاولة ...واول ما جلست جاتني وحدة صومالية اعطتني تاج بلاستيك تقول لي روح لبس البنت تطالع فيك....تحبك....قلت لها قولي قسم....قالت قسم....
جاتني بعد خمس دقايق جابت لي اكليل ورد وقالت لي روح لبس البنت...تطالع فيك ....تحبك....قلت غير الاولانية اللي تحبني...قالت ايه....قلت لها قولي قسم....قالت مرة ثانية...قلت ايه....قالت قسم.....قالي خويي انتبه للخمسمية طرفها طالع من الجيب....دخلتها في الجيب....جاتني الصومالية مرة ثالثة....تقولي في وحدة تحبك...قلت لها مين...قالت اللي تسوي الشاهي....خذ التاج وروح لبسها...قلت لها اقولك....ترى فلوس ماعندي...خلاص....تعرفين تفارقين....والا كيف يعني.....مسنترة لي من الصبح....قالي واحد روسي....this is very noise
قمت عليه بالكرسي.....قلت له مين النويز.....وبعدين ليش تقولي از .....از تستخدم لغير العاقل....شايفني مجنون ....والا صادم في جدار
ومضيع الدرب....
قام م.ع.ع.ح فارع بيننا....مع اني كنت بفقع وجهه....سحبني م.ع.ع.ح للخارج....وطلعنا السيارة.....قالي قسم لو ماتغدي رجال انك اخليك هنا.....قلت له خلاص بغدي رجال بس لاتخليني فيذا....
وحنا طالعين لقينا وحدة من (بائعات الهوى) من جنوب شرق اسيا من ام عيون مطحلسة....واول ما شافتنا جات عندنا ودار بيننا هالحوار المشفر::
ام عيون مطحلسة:.....................................
انا: لا شكرا..الله يغنينا بحلالة عن حرامه...
ام عيون مطحلسة: ................
انا : ايوة..... شوفي الدبلة.....
ام عيون مطحلسة: ........
انا : اقولك يا م.ع.ع.ح خلنا نمشي قبل لا نسوي شي نندم عليه طول عمرنا...
مشينا.....
وانا في الطريق تذكرت ام عيون مطحلسة.....والمكياج اللي حاطته...واراهن انها لو تغسل وجهها ...بينزل اقل شي 5 كيلو من وزنها....وكله رايح في المكياج
تذكرت سيارة استاجرتها قبل 3 سنوات...يوم رحت للمكتب قالي السيارة شوفت عينك...جدييييييييييييييييدة ....وبالفعل كان منظرها الخارجي ما يوحي انها مستهلكة....وقعت معهم على اوراق ويوم جيت اشغل ....السيارة مستهلكة ومشت الين تقطع بطنها....ويوم امشي بها اسمع قرابع ...والمكيف ما يشتغل....البوري ما يدق....فيها اشياء كثيرة ناقصة...
تذكرت السيارة هذي يوم شفت ام عيون مطحلسة وشفت كيف تستغل شبابنا بضحكة اقل ما يقال عنها انها مسمومة....تتظاهر بالشباب...وجلدها بيتقطع من كثر الشد....وعيونها غايرة في نص راسها....
ما ادري من اللي بيصدق انها ما تعدت الخمسة والاربعين.....عجوز شمطاء....تضحك على المراهقين....والنتيجة الايدز.....
وانا قاعد اتأمل جات تريلا مسرعة قطعت على حبل افكاري....والتف علي الحبل (حبل افكاري) وكنت بأنشنق ...لكن ربي ستر....وحرمت اني افكر واتأمل وانا اقطع الشارع....
طلعنا السيارة......وقبل مانطلع كبري الملك فهد وقف عند بقالة قالي تبي شي....قلت له جيب مرندن (ميرندا) الرجال جلس نص ساعة....ولما طلع جاب معه كيس مليان....جاب زيت زيتون ولفة شطرطون وكيلو خيار وكبريت وازارير ثوب.....
قلت له قايلك لا تكثر من البايسن.....مدري كود رد على بالك بيعطيك جنحان
تفحط بها فوق......هالحين انا يالله راكب الطيارة ...تبغاني اطير بجوانح.....
قالي بعطيك كف اوصلك جدة بدون تذكرة.....اهجد وخلني اشوف الخط....قلت له يابعدي خذ راحتك.....اصلا انا بأنام ...وقفنا عند اشارة شوي الا واحد مرسلي بلوتوث بعنوان مصرع مروج مخدرات برصاص خويه...قلت لاحول ولا قوة الا بالله....ويوم فتحت المقطع الا صورة م.ع.ع.ح وهو مسدوح في الشارع يوم تهاوشنا بعد ماخرجنا من السينما ...اثاري حتى هم عندهم نفس البلا اللي عندنا ....الاشاعات لاعبة فينا وفيهم.....ماعلينا....
مسكنا الخط....وانا منسدح على كرسي الراكب قاعد اتأمل نتائج الحرية المفرطة....وفوق كذا عشان يثبتون للعالم ان عندهم حرية حاطين ال*جزء من النص مفقود* جنب المسجد بينهم شارع صغير عرضه تقريبا متر....
انحلال في انحلال....والسبب انحلال المرأة ....احمد الله ان كان معي مثل هالذيب اللي ينقال له م.ع.ع.ح....
انحلال وسقوط اعظم الحظارات في العالم كان بسبب انحلال المرأة ....تحمدت الله ان اللي معي في العمل كلهم هنود وبنقالة ريحة الواحد واصلة لمجرة درب التبانة....ومافي أي شي فيهم يهيج احاسيسنا.....
حمدت الله على احكام الهيئة قبضتها على المريدين شر بوطننا....وانا اتأمل اسمع صوت فرامل....
وقفنا السيارة ونزلنا .....كالعادة الشيخ م.ع.ع.ح صادم في اللي قدامه.....بس حمد الله جات بسيطة....
رجعنا للسيارة ورجع افكر واتأمل من جديد.....وكل ما افكر في شي....اخاف اننا نصدم...وقفت التفكير حتى اشعار اخر.....
وصلنا للخبر واحمد الله اني رجعت مثل ما رحت سلمنا من الحرام.....وسلمنا من ما يسمى بالحرية....الحرية المستوردة على النظام الغربي....
وصلنا الخبر....وتعشينا في هارديز....وبعد العشا عطوني ورقة استبيان عن المطعم ...اخذت الورقة وعبيتها
وبعد ما خلصت وصلني الشيخ م.ع.ع.ح لمقر سكني ....دخلت وانخمدت....
واليوم الثاني سافرت الى مقر اقامتي...وفي الطيارة جلست عاااااااااقل ولا تهاوشت مع احد....حتى خدامة عمي شفتها ولا كلمتها....ناقص هجولة على اللي فيني...
وصلت جدة....وسويت نفسي تعبان عشان ابوي ما يهاوشني يوم انه عرف اني كنت في البحرين.....
انتهت القصة....
ما يستفاد من السالفة اعلاه.....يا شباب تكفوووووووون لا تغريكم ضحكة عجوز شمطاء ....لا تغريكم ضحكة وحدة مصابة بالايدز صحتكم اغلى ما تملكون....
اللي يبي يشوف نهاية طريق الشيطان يروح للمحجر الطبي...ويشوف مصابين الايدز ويتكلم معاهم....يشوف وش امنيتهم...وش سبب الاصابة....
تكفووووووووووون لا تدمرون دنياكم عشان نزوة شيطان ما تستمر اكثر من دقائق....
البهايم تمارس الجنس بدون أي حب.....يعني الثور ما يحب بقرة ويخطبها ويدفع لها مهر....
يمارس معها الجنس لاجل الشهوة....يعني لا حب ولا يحزنون....
وبعض البشر اصبح مثل الحيوانات....يمارس الجنس لأجل الشهوة فقط....يعني بدون ما يكون فيه حب الطرف الاخر....
يازينه لو انه يمارسه مع حبيبته (زوجته شرعاً)......راح يحس بالراحة.....وبرضى الله عليه
تكفووووووووون ياشباب ابعدوا عن اصحاب السوء....واصحاب السفريات الدولية المعروفة....والله ثم والله ثم والله ان ما وراهم الا خسارة فلوس ومضيعة وقت...
تكفون
تكفون
تكفون
تكفون
تكفون
تكفون
تكفون
تكفون
تكفون
تكفون
تكفون
تكفون
تكفون
تكفون
تكفون
تكفون
تكفون
تكفون
تكفون
[BLINK]تكفون[/BLINK]
بكل لغات العالم اقولكم
تـــكــــفـــــون
لا احد يروح البحرين او يسافر لأي دولة وفي باله فعل الحرام.....والله النهاية مأساوية
ابعدوا عن الحرام......وبتشوفون اللي يرضيكم....لذة لحظات تجر ويلات سنوات....
وصلنا للنهاية....واتمنى اني ما اكون طولت عليكم....واسف على الجرأة الزايدة....
اخوكم محمد الشمراني
في امان الله