اووومماا حبيبي مررره وحده لا تسمعك ام راكان بس تراها حولي 
حشا وش طالب انت يوم انه صعب الهضم
وزحلطت عن السؤال ولا جاوبت لكن يالله مو مشكله بنعدي لعيووونك 
طيب شوف حبيبي قلبي بقولك بعض الاشياء اللي انا امشي عليها ومسويها
والحمدالله ماااشيه حياااتي من احلى ى ما يكووون بفضل الله
1- اووول شي واهم شي تخاف الله فيها وتداريها وتراعيها وشيل من راسك فكرة انا رجال وانا القوي وانا اللي اقول واسوي وكلامي يمشي بالطيب بالغصب.
2- يكون فيييه ثقه واحترااااااااام ومراعاة لشعور الطرفين . (صارحها بأغلب الاشياء وسولف لها وقولها خلها تحس انك ترتاح للسوالف معها وتقولها كل شي .. لا تخلي حاجز بينكم ).
3- احترام الاهل وتقديرهم من الطرفين وزيارتهم بإستمرار(مثلا تخصيص يوم فالاسبوع تسير عليهم وتتعشى عندهم ).
4-تشاركها بالبيت وتشاورها بجميع النواحي من ناحية ديكور تأثيث تغيير شي لانه بيتها مثل ماهو بيتك
وبكذا تعطيها ثقه بنفسها وتحس انها قريبه منك وانك تحترم وتقدر رأيها .
5- تقدير الحالة النفسيه لها (اسبوع الــ ....) يعني وقتها الاخلاق مش ولااابد بقووووه .. وما يمنع تعطيها اجازه من اعمال البيت بهالاسبوع الا اذا تحسنت حالتها وهي اللي من قناعة نفسها سوت شي وانت قايل لها لا تسوين شي (عني انا هالاسبوع كله ما تشيل خيط من الارض ولا تغسل ولا تكنس ولا تطبخ.. يكفي انها قايمه فيني وبعيالنا طوول الشهر جات على اسبوع يعني مقدر اقدرها واعطيها حقها واريحها وما يمنع لو يوم طبخت او ساعدت في إعداد او ترتيب اي شي بالبيت .. طبعا ممكن كثييير يختلفون معي بهالشي بس كل واحد وقناعته وتفكيره ) وما يمنع بالايام العاديه انك تساعدها وهي تجهز السفره وتسولف معها وتطقطق وقت التجهيز واذا فيك حيل بعد ما تعبي الكرشه تشيل معها شيل انا ما اقولك دايما بس من وقت لوقت حسب وضعك تعبان مرهق رايق يعني حسب هالاشياء وهي ماراح تطل بمنك او تقولك شي ..وطبعا المزاج متقلب بهالوقت يعني ممكن بدقيقه تقولك طيب وتوافقك على شي وبعدها بدقيقه تقولك لا 
فإحسب حساب هالشي وقدر الحاله النفسيه وعدي.
6- تذكرها وانت برى مع الشله ولا وانت تحوم بأي شي تلقاه قدامك مو شرط غالي او شي كبير
اي شي حتى لو بسيييط جدا صدقني راح تفرح بأقل شي وبتقول يكفي انه تذكرني وجيت بباله .
7- لو لا قدر الله صار زعل او مشكله او اعتراض على اي شي وشفت ان الوضع بيكبر او بيوصل للصياح والهواش الكبير اسحححب نفسك بكل هدوء (هذا مو ضعف ولا قلة حيلة منك اهم شي تحط هالشي ببالك) بس لانك تحبها وتبي تحافظ على بيتك وما تبي تكبر السالفه لانالواحد وقت الزعل يقول كلام يندم عليه كثييير .. اطلع من البيت او غير الغرفه لين تهدا النفسيه وتروووق وبعدها روووح وناقشها بهدوء بدون عبط وتزمت وتمسك بالرأي ياتقنعها او تقنعك بأسلوب هادئ ورايق .
8-خذها معك لكم مشوار يعني مثلا بتروح تقضي او بتروح تاخذ لك شي والطريق زحمه او بعيد شوي ما يمنع تقولها (يالله يا بت عباتك وقدامي بناخذ فره خاويني باخذ لي غرض ونرجع ... انت دشرة وفريت الكره الارضيه مع الدشير .. وش لقيت غير البلاوي والطعات واقسام الشرطه 
... كمل باقي حياتك فله وفرفره مع ام العيال ) ومثلا شفت الوضع ملل بالبيت قولها يالله بنطلع ناخذ كوفي ولا بنتمشى بالسياره حتى لو بآخر الليل اذا الاوضاع بالمدينه عندك تسمح ومافيه مخاطر او شي (انواع الرومنصيه بتجي بهالمشوار لو كان بآخر الليل 
).
9-تذكرها بالرسايل مو تقول هذي بوجهي 24 ساعه وتجحدها يعني لو جاك مسج حلو الصباح وانت بالدوام ارسل لها او العصريه او وانت معزوم على عشا مع الشباب خلها تدري وتعرف انها على بالك
وانك 
وما يمنعك عشاك او شغلك عنها .. تراها رساله ما بتاخذ منك ثواني ولها مردووود قوي وسريع جدا. (بالله كم مسج باليوم ترسل للشباب 
جات عليها يعني )
* اهم شي خلك على طبيعتك معها بكل شي تصرفاتك كلامك اسلوبك كل شي اخوي
قروشتني بنتي (نادين) وضيعت اللي براسي خيو
تقولي بابا نلعب سوني يالله ..جننتني بـ (بنتن
) المشكله تلعب هي وتسحب علي تقولي انا موت يابابا وبعدين انت (قصدها لين اموت وبعدين تلعب انت )كل شوي تعيد تقول شويه باقي ما مت 
(كل هالكلام او أغلبه يمكن ما يتقبله غيري زي ما قلتلك لكن كل واحد وطبعه وتفكيره وانا الحمدالله ماشي عليه ولله الحمد حياتي من احسن ما يكووون.. الله لا يغير علينا يااااااااااااااااااااااااااااااااااااااااااارب )
ابشر لو جا ببالي شي برجع واكتبه لك هووون خيو