السلام عليكم,, ومساء الورد للجميع,,
أبغى اسألكم شباب,, اللي يشتغلون في سابك ومعادن
المنيوم بالخصوص (المشغلين) واللي يقدر يفيدني بهذه
المعلومات!!
تقريبا,, انا خلصت أموري,, مع شركة معادن ولله الحمد
والشكر على توفيقه,, باقي الفحص الطبي,, وباقي اودي
اوراقي على الموعد اللي حددوه لي,,
سابك,, شركة قديمة فالمملكة والكل يعرفها,, ومحد
يقدر يقول شي ضدها,, واللي عارف معادن,, شركة صاعدة
عمرها قرابة الـ 12 سنة فقط,, ومع ذلك فهي قوية جدا
وضخمة وأثبتت وجودها بقوة وسمعتها بعد
( الصغير يكبر ويصير وحش 
)
أبغى اعرف وش الأفضل بيناتهم,, من ناحية الراتب ما
اضن فيه فرق كبير يمكن 500 ريال الفرق ساعات العمل
الإدارة اللي ممكن تكون فوقي مباشرة الإجازات الرسمية
والمكافآت والعطائات والحاجات اللي مثل كذا,, يا
ليت أحد يقدر يفيدني,,
لأني قدمت عندهم كذا مرة ولا جاني قبول فيها (سابك)
لمن خلصت اوراقي مع معادن جاني موعد الإختبار واتصلو
بعد,, وش السالفة ما ادري بس اللي اكيد ان آخر مرة
قدمت على سابك العام قبل الماضي تقريبا 
يعني سابك برجع اختبر وانتظر وكذا وأنا طفشت من
الإنتظار,, ما ابيهم بس ابي اعرف مميزاتهم ومميزات
معادن فقط للإطلاع والمقارنة لعل الله يحدث بعد ذلك أمرا
وأغير رأيي 
<< يحلمون أغير رايي ما ابيهم
محبتي وتقديري