المشاركة الأصلية كتبت بواسطة يتيم الغرام

جزاك الله الف خير


خطوه مو بسيطه وفيها جراءه .. كان الله في عونك

قاعده ... العمل سهل انجازه .. الاخلاص صعب مراده .


تضمن حقوقك .. )) بالاصح تضمن ان الرجل يستفيد وماتندم انك خدمته .. بالطرق التاليه :


مواثيق عامه .. للطرفين .

1- توثيق المبلغ المقترض بمكتب محاماه .. او يبصم على الورقه بحضور شاهدين ..

اتباعا لقول الله جل جلاله(يا أيها الذين آمنوا إذا تداينتم بدين إلى أجل مسمى فاكتبوه وليكتب بينكم كاتب بالعدل).

بكذا يعتبر دين رسميا ..ودعم شعبيا , تكسب اجتهاده والشعور بقيمة المبلغ وانك قادر على سجنه واسترجاع المبلغ كامل . في حال تلاعب او قصر .

2- اخذ الاذن من ممن يهمه امر المستفيد .. ابوه ..اخوه الاكبر ...: لكي لا تلام على فعل الخير عندما تطالب المستفيد بحق . او تكبد المستفيد خساره مفرطه (( يعني , لو اعطيته مبلغ من خلال هالمبلغ قدر انه يقترض زياده . جات خساره غير متوقعه مع اجتهاده فالعمل .. حيكون انت الملام . بضميرك وبعين اهله .. يا سيدي باب يجيك من ريح سده واستريح .)) عطيهم خبر .. بـنـفـسك .. هام جدا جدا .

3- يبداءالمستفيد مشروعه معك او مع شخص تثق فيه ..خطوه خطوه . ولا يسلم له المبلغ بالكامل دفعه وحده . لتعرف مدى اجتهاده .. ولتكون مطلع على اخطاء عمله من صوابها . (( لاتوكله .. علمه اشلون يصطاد السمكه ))

4- يفضل بان يكون المشروع في تخصص انت تفهم فيه ومطلع على سرائر اموره . او يكون باشراف شخص يفقه ادارة المشروع وقادر على تدارك وتجنب الخساره وجلب الربح بايسر الطرق .

5- تشعر المستفيد بجدية الوضع وان الامر للعقاب واخذ الحقوق اقرب من الثواب .

6- كتابة جميع المستنادات الرسميه باسم المستفيد .. وان يحضر وكاله شريعه باسمك .قبل ما يبدا المشروع ع الواقع.

7- ناقش المستفيد في صغائر الامور قبل كبائرها .. فهو من ابسط حقوقك .


حقوق المستفيد ..

اْ- من حق المستفيد التصرف في طريقة البيع اذا كانت مقنعه ومنطقيه .

ب - عدم اشتراط شروط شخصيه عليه . (( ما تحلق لحيتك . ماتدخن . ما ترفع صوتك على العمال . ماتسهر . تفاهات انت بعيد عنها انشالله .

ج - عدم الزام المستفيد بمشروع تعلم انت انه لايفقه . وكانت موافقته بمجرد حماس في طلب الرزق .. وهذي تعرفها من بداية مقابلته . تساله شنو مشروعك .. وين ناوي تحط الفلوس .. تسمع اجابته قبل لا تطرح افكارك انت .

د - لا تشعر المستفيد باي نوع من استحقار او منه .. فانت من رغبت بالثواب من عند الله جل شانه. ^_^


اول المستفيدين انا .. لاتقول ما قلتلك 80 الف بس ... ههههههههه




الله يرزقك بكرمه ومنته ويوفقك لكل ما تحبه وترضاه


هذا ما احببت مشاركتكم فيه ... اثاب الرب كل عمل خير . وجزانا واياكم به فردوسه الاعلى ..