اقتباس:
المشاركة الأصلية كتبت بواسطة جامعي كاشير
السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين اللهم لك الحمد كما ينبغي لجلال وجهك وعظيم سلطانك .. قال تعالى (( وعسى ان تكرهوا شيء وهو خير لكم ..)) الايه ..
فالبداية احب اهنيكم اخواني على الوظائف الاداريه اللي ممكن مزعله البعض والبعض الاخر راضي بقضائة وقدره وانشالله كلنا راضين بقضائه وقدرة ..
احنا سمعنا الكثير عن الوظائف الادارية ولكن اليقين لم ياتي الى الان من وزارة التربية او الخدمه المدنيه ..
ولكن نبقى ننتظرماستحملة الايام القادمه ..انا بالنسبة لي وبما اني مجرب التعليم بمدرسة اهليه ومجرب ازعاج الطلاب وقرف الادارة والحصص وموجة يطب علي او مشرف من الاداره ووو ...والله انا اقولها وانا صادق مابي الفين ريال من راتبي مقابل اشتري راحت راسي من الازعاج والظغط والسكر ووو ...
بالنسبة للي يقولون ان اللي ماعنده تربوي يضعونه بالوظائف الادارية انا قريبي معاه دبلوم تربوي ومعدله جيد وخبره سنه بالمدارس الاهلية ومع ذلك معانا بالاوظائف الادارية ..
واما وزارة التربية والتعليم انا رحت عندهم يوم الاربعاء الماضي بمقر الوزارة بالرياض فالملز دخلت طبعاا زحمة المعينين تعليمي يطبعون الرغبات دخلت عرض عليهم قالوا الوظائف الادارية مو عندنا هنا قلت وين انشالله قالولي بوكالة الوزارة لشؤون المدرسية
 اول مرة اسمع فيها بس قلت طيب وين هذي وصفوني قالولي بشارع الفوالين اللي من الرياض يمكن يعرف هذا الشارع قالولي مقابل فوال الافراح طبعا الساعه 1 ونص هالكلام يوم الاربعاء يعني باقي ساعه ويخلص الدوام تخيلوا ياشباب لما رحت على وصف الرجال طبعا يالله يالله وصلت من فضاوة الشوارع عندنا ماشالله تدرون وش لقيته واصفني واصفني شعبة مكافحة التزوير .. وربي ياشباب قلت ابرجع للوزارة واخربها بس اذا لك عند ال.. الاحم احم حاجه قله ياسيدي عموماا هذا اللي صار وانا بكره ابروح واشوف وش نهايتها ...
اوافيكم بالجديد |
اخي الكريم
الوصف قريب منه
بالظبط وانت داخل شارع الوشم طبعا جاي من الملك فهد باتجاه الشمال اي باتجاه الفيصلية والمملكة
ادخل مع الاشارة الوشم يمين واول يمين يجيك ادخل معه وتلقى لوحات مكتوب وكالة الوزارة للشئون التعليمية :
طبعا وكيل الوزارة الدكتور سعد ال فهيد وامن اختصاصهم التعيينات وقسم الاحتياج بالمدارس ولجنة الظروف الخاصة ..
طبعا شباب للاهمية
طباعت الرغبات مهمة مهمة مهمة
اليوم رحت وطبعتها ولقيتها تختلف 180 درجة عن الرغبات الي سجلتها بالموقع وقالوا ماعندك مشكلة عدلها بورقة خارجية ونعدلها لك
الخلاصة : ظروري الطباعة عشان تحاجهم اذا حطوك بمكان غير الي انت سجلته