با النسبة للمواقع المواقع كثير با النسبة للرياض انها كبيرة

* عندك جامع الراجحي مخرج 15

* بداية طريق المية وانت داخل من الدائري واتجاهك شرق تحصل بسطات حلوة على اليمين والبيع فيها تمام 0

* تقدر تستأجر مبسط بسوق التمر والبيع فية ناجح مية في المية

وموقعة سوق الخضرة في الربوة مخرج 14

* عندك جامع الحديثي الدائري الشرقي مخرج 10

* عندك وانت على الدائري الشرقي متوجة شمال اطلع من مخرج 10 يمين كئنك متوجة شرق وخلك في الخدمة يجيك مطعم العجمي على اليمين بعدة على اليمين مكان حلو يبسطون فية

* عندك جامع الحماد حي السلام يوم الجمعة البيع فية ممممتاااااز

* عندك الجامع الجديد اللي غرب مقبرة النسيم وضعة حلو 0

* عندك شارع عنيزة حي الروابي في الأرض الفضى مقابل مطعم الهدوج مكان حلو والبيع فية رزقة طيبة في هذا المكان 0

وفية مواقع اكثر والرزق على الله


با النسبة للتمر يفضل السكري ومثل ما تفضل اخوي هاجس تمر الاحساء

وبالنسبة للمكنوز فية ناس تفضل شغل البيت عن حق المصانع بنظرة منهم انة شغل البيت مصلح بخبرة وفن ومو مغشوش مثل المصانع

هذي نظرة بعض الناس انت كبداية حط من النوعين مصانع وشغل بيت ولا تكثر واللي يطلب قول لة عندي با البيت وبكرة بنفس الوقت تحصلني واقف هنا وبكذا ما تكون اشتريت ووهقت نفسك بأحد النوعين واللي تشوفة ماشي اكثر جيب منة والله يوفقك ويرزقك 0