،
مر المطر , يا حنين الشعر ونادى لك :
واحد ولا مرّ , ماهو مثل [ أي واحد ] !
كبرت يا حلمي اللي كنت .. أسعى لك
ما أشوفك الاولي ! لي مختلف واجد !
في عينك الخوف ما سولفت وش جالك
الصمت يشهد على خوفك , وانا شاهد !
نسـيت .. ولآ امـانينا على [ بالك ]
للحين قلبك حزين , وضايق , وفاقد !
للحين , حالك من الفرقا على , حالك
واقف بـ وجه الغياب , وعازم وصامد !
رح .. لـ طريق الطويل وبعثر , آمالك
ما عاد له داعي , نسولف ونتواعد !
خل [ الكلام الكثير ] يْنام .. بظلالك
ظروف الايام .. ما تعذر ولا تساعد !
ما غير درب الغياب المر يصفى لك
نامت عيون الوصال ، وجرحنا راقد !
مـا فيه واحد بتبقى له [ ويبقى لك ]
حتى انت وياك تصبح شبه متواجد !
يا قلبي الحالم , وكل شوق غنى لك
لكنْ درب الوصل [ متغير وجاحد ] !
اشتاق , للي تحب وحط في بالك :
حياة الانسان ما توقف على واحد !
عبدالعزيز بن فآيز