اقتباس:
المشاركة الأصلية كتبت بواسطة يوسف المسعودي
مانزلي شي  |
يا مسعودي والله من مبدأ حب لأخيك ما تحب لنفسك أنا مثل جامعي وما ابي غير العسكريه حلوة رقيب بالامن العام لأنك بالكلية الامنيه تبطي عظم تخش لأني حصلت ناس معدلاتها 3.7 من اربعه وانقبلوا لأن الكليه شارطه معدل 3.5 سلامات يبو نهايتي عسكري ،،،،،،،،،
رقيب بالامن العام والمباحث والمكافحه اللي مالها إلا الكلية الامنيه تخرج ضباط حلوة لو تخش رقيب تمشي السنين ويمديك ع الضابط منها تكسب خبره ولو صرت بمكان قيادي تعرف تتصرف لأنك كنت واحد من الافراد ،،،،
بخصوص الراتب
احسب الراتب اللي بيجيك طول فترة الخدمه يعني ما بتفك لك مشروع وتصرف على عيالك منه ؟ قول راتبك 10000 ريال انت وقت العزوبيه وش بتسوي ؟ مصاريفك مع البحبحه 3000 ريال 7000 دخلها جمعيه ولا توقف شوف بعد سنتين كم معك ؟ يكفيك زواج من دون ديون وانت والمدام كم تكفيك ؟ اعطيها 2000 ريال وقول لها ذي مقاضي البيت ودبري امرك يمين تشوف التقشف بفن علشان الزايد بيروح لها ،،، وقد انك راتب مع الوقت ذا زاد خليك بالجمعيه وشوف كم تحوش وانت مو شاغل بالك شيء يوم استلام قطتك مع العيال ،،، ويومين عند المدام وسمرة مع الشباب وجلسة بلوت ما فيها اي صرفيه إلا 1000 ريال بنزين ودخانك لو انك تدخن 
وشوف كم بيطلع معك فك لك مشروع ولا اشتري اراضي واكيد بتلقى لك رزق
لا جا وقت التقاعد راتبك مستحيل يجي اقل من 8000 لأنك لو تحسبها بالترقيات بتتقاعد على رايد أو مقدم شوف الراتب الاساسي للمقدم كم ؟ هذا هو تقاعدك
وحسستني وقت التقاعد بتصرف على احد ما عندك صرفيات إلا لك وللمليحه ام العيال عاد عيالك قد توظفوا وافتكيت منهم
يا رجال خش العسكريه والله ما تأكل عيش الا هي
والله يوفقك