اقتباس:
ما بالنسبه للدفع هذا عاد مربط الفرس البي بال لو اقدر اجيبه واربطه بالموقع كان عال العال
لكن المشكله كيف اجيب الباي بال
|
لا عادي تقدر تربط موقعك بالبيبال ماعندك مشكلة ترى
اجل نصيحتي لك
1- اكتب كل شي تبيه بالتفصيل الممل ولا تخلي ولا نقطه ولا تعتمد على ان المبرمج فاهم ولا النقطة واضحة كل شي لا تغفل ولا نقطه سواء كانت صغيرة او كبيرة
2- لا تحاول تسوي كوبي من المواقع حاول تحط افكارك انت بعد وشوف وضع السوق السعودي او العربي اذا كان هذا هدفك وشف افضل الطرق للتعامل معه
3- شوف المتاجر الالكترونية العربية الموجودة زي سوق دوت كوم وغيرها تفحص المواقع شف مزايها وعيوبها وحاول تتلافى العيوب
4- خذ وقتك في التحليل وكتابة ملف الموقع لانه لو اتفقت مع اي مبرمج بعدين طلبت زيادة اشياء اخرى راح يطلب منك مقابل مادي زيادة
5- ابحث عن سكريبتات المتاجر الجاهزة وشف يمكن تلقى طلبك فيها وبعضها قابل للتعديل واضافة خيارات اخرى
6- اذا انت تتقن اللغة الانجليزية او عندك احد يتقنها ويقدر يساعدك ابحث عن مواقع ال freelancer وبتلقى مواقع كثير تجتمع فيها شركات اجنبية وفيه منهم افراد اعرض مشروعك فيها وراح تتلقى عروض كثيرة لا تستعجل واختار الافضل ولا يغرك السعر الرخيص اقراء التقيم حق الشركة وشروط الموقع عشان ما تتعرض لاي عملية نصب وتقدر تاخذ حقك لان اغلب المواقع تضمن حقك بعد الله سبحانة وتعالى
7- استخر واختر وتوكل على الله
8- اذا كنت ما تتقن اللغة الانجليزية مالك الا العرب بس مالي خبرة فيهم للاسف انت ابحث واذا لقيت واحد حاول تتوصل مع عملائه الثانين وتتاكد ولو فيه مؤسسة سعودية احسن عشان تقدر تتفاهم معهم
بس لازم انبهك لشيئ غالبا اسعار الشركات الاجنبية ارخص من العربية
ومن خبره اذا كان موقعك معقد وتبغيى شي احترافي صدق راح ياخذ وقت وجهد ما تتوقعة لازم تبداء فيه وعندك عزم انك تكمل للنهاية
هذا الي يخطر على بالي الحين الله يوفقك بمشروعك ويفوقني وكل مسلم