السلام عليكم
يا شباب انا الحمدلله انقبلت مبدئي على رتبة عريف بالقصيم
المقابله بتاريخ 3/12 الاحد الجاي
بس ابي اعرف مكان مدينة تدريب الامن العام لأن اللي اذكرها على طريق بريده عنيزه اللي بعد الحراج وانت متجه لعنيزه تلف من الاشاره يسار
1/ الحين وين الموقع الجديد بالله بالتفصيل وعادي عندي خبره بطرق بريده و ضواحيها بس ابي الموقع بالتحديد؟؟؟

2/ كيف الحين بس يقيسوا وزني و طولي و يطابقوا الاوراق و القباله بعدين يعطوني لها موعد؟؟؟

3/ وزني كان 118 و طولي 174 و ببعد مرمطه و رياضه و سلطات الخضار و الريجم القاسي صار وزني 97 هل يقبلوني ولا ما اتعب نفسي واروح لأن الدفاع المدني طردوني عشان 6 كيلو زياده؟؟؟

4/ وش بيكون الوضع ترا اول مره انقبل و اروح مقابله غير الدفاع المدني بس لأنهم طردوني من بدري فــ مدري وش الوضع بعد الميزان و الطول؟؟؟

اتمنى الرد في اسرع وقت لأن ما بقى وقت

شريت بدلة رياضه و بحلق راسي رقم (0) و مرتب اوراقي و طاابع ورقة الموعد و كل شي تمام
وش باااااقي؟؟