المشاركة الأصلية كتبت بواسطة هووووب

لا عادي تقدر تربط موقعك بالبيبال ماعندك مشكلة ترى
ممتاز جدا اذا كان عملية الربط ممكنه
اجل نصيحتي لك
1- اكتب كل شي تبيه بالتفصيل الممل ولا تخلي ولا نقطه ولا تعتمد على ان المبرمج فاهم ولا النقطة واضحة كل شي لا تغفل ولا نقطه سواء كانت صغيرة او كبيرة

2- لا تحاول تسوي كوبي من المواقع حاول تحط افكارك انت بعد وشوف وضع السوق السعودي او العربي اذا كان هذا هدفك وشف افضل الطرق للتعامل معه
كلام سليم لكن ودي بأخذ بعض الحركات وليس كوبي بشكل كامل انما بعض الاشياء اللي اشوفها مناسبه
3- شوف المتاجر الالكترونية العربية الموجودة زي سوق دوت كوم وغيرها تفحص المواقع شف مزايها وعيوبها وحاول تتلافى العيوب

4- خذ وقتك في التحليل وكتابة ملف الموقع لانه لو اتفقت مع اي مبرمج بعدين طلبت زيادة اشياء اخرى راح يطلب منك مقابل مادي زيادة
رحم الله والديك على هالتنبيه فعلا في محله
5- ابحث عن سكريبتات المتاجر الجاهزة وشف يمكن تلقى طلبك فيها وبعضها قابل للتعديل واضافة خيارات اخرى
اخوي هووب تقدر تدلني على بعضها اذا مايعسر عليك

6- اذا انت تتقن اللغة الانجليزية او عندك احد يتقنها ويقدر يساعدك ابحث عن مواقع ال freelancer وبتلقى مواقع كثير تجتمع فيها شركات اجنبية وفيه منهم افراد اعرض مشروعك فيها وراح تتلقى عروض كثيرة لا تستعجل واختار الافضل ولا يغرك السعر الرخيص اقراء التقيم حق الشركة وشروط الموقع عشان ما تتعرض لاي عملية نصب وتقدر تاخذ حقك لان اغلب المواقع تضمن حقك بعد الله سبحانة وتعالى
دخلت على الموقع وبشكل عام ممتاز بس يبغالي كم يوم على بال ماافهم الموقع وافهم طريقته
7- استخر واختر وتوكل على الله
جزاك الله خير
8- اذا كنت ما تتقن اللغة الانجليزية مالك الا العرب بس مالي خبرة فيهم للاسف انت ابحث واذا لقيت واحد حاول تتوصل مع عملائه الثانين وتتاكد ولو فيه مؤسسة سعودية احسن عشان تقدر تتفاهم معهم
بس لازم انبهك لشيئ غالبا اسعار الشركات الاجنبية ارخص من العربية
ولله الحمد الانجليزي ممتاز عندي وان شاء الله احصل من يسوي الموقع في المواقع الاجنبيه

ومن خبره اذا كان موقعك معقد وتبغيى شي احترافي صدق راح ياخذ وقت وجهد ما تتوقعة لازم تبداء فيه وعندك عزم انك تكمل للنهاية
بأذن الله اني احاول بقدر المستطاع اني انجح الموقع بأي وسيله

هذا الي يخطر على بالي الحين الله يوفقك بمشروعك ويفوقني وكل مسلم
الله يجزاك خير يالغالي ويرحم والديك فعلا ماقصرت الله يكتبها لك في موازين حسناتك