[QUOTE=الصافي دانون;5304178]الله يجزاك خير فعلا كلام الصواب مايجيبه الا ولد الاجواد
دام المصاريه والبنقال والبكساتنيه ماليه البلد وتحفر وتشتغل وليه المواطن السعودي
نحطمه في كثير من الامور بالعكس يد واحده لفكر سعودي وايدي عامله
__________________________________________________ ___
على فكره اخوي الصافي دانون ترى ماحطمت احد انا اقصد اخوي تسويقار طالما طرح الموضوع الغالبيه العظمى مهوب عارف وشو الكلادينج وطريقه تركيبه قسم بالله يسعدني اني اشوف سعودي يعمل بهذا المجال ومستعد اتعاون معاه واساعده ولاكن انا بالسوق وكلامي من واقع تجربه
انت يمكن تعاملت مع ناس محدوده او بمنطقه صغيره ولاكن تعمق بالسوق وراح تشوف كلامي واقعي جدا بلا تعقيد او مبالغه ولاكن لاتفرش الارض ورود وتنسى ان تحذر الناس من الاشواك

نعم انا معك واجهات الكلادينج سوق كبير كبير جدا ومفتوح ومربح ولاكن نصيحه للمبتدئين هو ( اتحاد قروبات ) يعني انا عندي عامل حداده وانت عندك عاملين المنيوم وشخص اخر عنده عامل عادي نجمعهم سواء ونفذ مشاريع صغيره حتى نتوسع ونكبر كما يفعل المصريين الان والباكستانيين فكره تبدأ من شخص يتم تجميع خمسه اشخاص ويبدؤن بتنفيذ اعمال وينتهي بهم المطاف بتنفيذ اعمال بحجم شركه متخصصه يجتمعون لهذا المشروع وعند الانتهاء منه كلن ياخذ قسمته ويذهب ويعودون كذلك من جديد هذه التكتلات من العماله لاتحب ان تكون مقيده ولاتعمل مع كفلائها ولاتحب هالشي لانها تريد الغنيمه بالكعكه كامله ويشوفون انك حرام تاخذ شي منها خساره

مقوله ( سألو المستحيل اين تسكن قال باحلام العاجز )
نصيحه للي يقول اني حطمت طموحه اقوله اذا كلمتين وتحطمت منها وصابك احباط اجل اذا نزلت الميدان مع عماله سايبه وشركات منافسه ودخلت وسط عماله متكتله وش راح يصير فيك ؟
ترى هذا اخر تعليق على الموضوع لاني مابي احد يزعل مني ونكون اخوان نتحاور ونستفيد وكلن يقول خبرته عشان يستفيد
من يجد العزيمه والجد بنفسه لدخول هذا المجال المربح جد وصدقت اخوي تسيقار لما قلت لمن يبحث عن الذهب

الي صادق بدخول المجال ويود دخوله يكلمني خاص بس لازم يكون عنده عماله متوفره حاليا وعلى كفالته شخصيا فقط


اخوي تسيقار بالعكس انا اتعلم منك وانت الكبير ويمكن تكون انت بالسوق من زمان وخبرتك تكفي لنبدأ المشوار