اقتباس:
بسم الله الرحمن الرحيم
اتمنى الجنيع بخير وسلامه
هاذي اول مشاركه لي كنت زائره في المنتدى لكن تحمست اسجل لان فيه امور ونقاشات لامست خاطري بصراحه
وجت على الجرح مثل مايقولون
انا قصتي قصهويبي لهازمن اقولها
لكن مابي اطول عليكم عشان ماتقولون
بدايه انا خريجه كليه التربيه للاقتصاد المنزلي اختصاص خياطه
دخلت هالقسم ماحبه بصراحه لكن سبحان الله سهل الله علي وتسهلت اموري وحبيت قسمي
من المجموعه الي تعرفت عليها
كافحت وتعبت تزوجت وحملت وكنت في اخر الشهور اشيل مانكاني ومكينتي
تخرجت بتقدير جيد جدا الحمد لله بس جلست عشر سنوات في البيت
مليت تعبت ربيت كرفت انواع الكرف
فكرت بمشروع الطبخ بس ماكنت اقدر اطبخ لان ضروفي ماكانت تسمح
دورت حرمه تطبخ وانا امولها براس المال عن طريق اني افر لها كل الاغراض والاحتياجات
اناراس مالي وهي بمجهودها
ولقيت وبلحظه البدايه الواسطه في الموضوع خربت علي السالفه كلها الله يسامحها
وماياست دورت ولقيت وحده ثقه مره وعلاقتي فيها مره ممتازه بس قالت لي ابي سويق حلو عشان
يمشي الشغل
والله لايوريكم مهنا شي ماسويته برودكاست نشرت الرقم لكل العالم
واخرتها وحده بس طلبت وضاعت باقي مجهوداتي الاغراض جلست
الحرمه ماقصرت قالت لي من رايي تاخذين الاغراض ونوقف التفكير في الموضوع
احبطت احباط ماتتخيلونه
كنت ابي ابني لي شي ابي اسوي هدف لي مليت من روتين الحياه الملل
كنت ابي اشغل نفسي بشي له مردود لي بس
مليت من خياتي الي ضيعتها في تربيه بزران
شغل وغيره
انا مانكر ان حياتي كلها في عيالي بس حرام راحت اجمل ايام عمري
صارت حياتي متقوقعه في مجتمعي ماعندي علاقات نجحت
حتى الصديقه الي طلعت بها بالدنيا رمتني بسهوله
مليت ودي اكون نفسي
مانكر ان حلمي الوحيد بصراحه الدراسه ودي احصل على الماجستير
بس مالقيت جامعات تعمل بالتعليم عن بعد لاني ماقدر اتنظم
صبرت قالوا بيفتحون
بس حلمت بمشروع لي
عرضت علي وحده مشروع محل لبيع البسه تقليد الماركات بس فيما بعد حسيتها
تبي المشروع لحالها ماحبيت احرجها
سكت وسكت لين تعبت
لقيت هالمنتدى
وبالاخص هالموضوع هالنقاش الي يمكن الله من خلاله يفتح علي ابواب مسكره
والله يرزقني ويرزق الجميع يارب
المدخول المادي مافيه احد يرفضه
لكن المردود المعنوي ياسلام عليه
هو الاهم
حلو تصحى على امل وهدف تبني منه نفسك
مجتمع حجرني بصراحه بتفاهه تفكيره
حسيت اني من كثر سخافات العقول والحوار الي اشوفه في مجتمعي
وكثره المشاكل
حسيت اني ماخذت شهاده جامعيه
وحتى شهاده الخلق الي الاتسان يتمنى يوصلها
حسيتني بخسر اشياء كثيره
السموحه طولت عليكم بس الجرح كتم انفاسي
ماراح اقول وحيده عندي رب العالمين في وقت الكل فكر لي نفسه بانانيه
بس الانسان يحتاج الكلمه الطيبه والراي الصح من غيره الي يملكون خبره
اكثر الرسول اللهم صلي وسلم عليه يق ل الكلمه الطيبه صدقه
وللاسف الي معهم بخلوا على نفسه لو بالصدقه
الشكر لكل من مر وقرى كلماتي
وحتى الي ماقراها مشكور
وارجو الي كلماتي اثرت فيه يعطيني راي يمكن يتماشى مع ضروفي
مشكورين ويعطيكم العافيه
|
هلا اختي ضاع عمري خساره
بخصوص الماجستير
جامعة الامام عندهم ماجستير صباحي ومسائي والدوام ماهو يومي اتوقع الاغلب 3 ايام
والترم الثاني راح يفتح الماجستير عن بعد ماجستير ودكتوراه
جامعه الملك عبدالعزيز عندهم ماجستير تعليم عن بعد بس تخصص توجيه تربوي اكيد الفتره الجايه راح تفتح اقسام اكثر
طيب ليه فكرتي بالشراكه فالتجاره بما انك تخصص خياطه مافكرتي تستقدمي عامله وتصممي موديلات وابدي بالقرايب والجيران بعدها لو شفتي فيه اقبال افتحي مشغل وممكن مع المشغل تبيعين اغراض او تاجرين ركن تستفيدين منه
اقتباس:
صباح الخيررر..
صبايا ودى استاجر كشك بجامعه نورة بس ماعرفت اتوصل مع المسؤولين اللى عندها خلفية كيف طريقة التواصل تبلغنى الله يسعدها بالدارين......
|
تعتبر مناقصه حكوميه حسب ماقريت عنها
وغالبا المبلغ يكون مرتفع
بس مايمنع تروحين تسالين
وبلغينا ايش صار معاك
اقتباس:
السلام عليكم ورحمة الله وبركاته
كيفكم ان شاء الله بخير 
انا واعوذ بالله من كلمه انا طموووحه بشكل كبير ومغامرره واتحطم بسرررعه وهذا عيبي
احينا يصير عندنا مناسبات وفي وقت الاعياد اسوي توزيعات بس في محيط العائله فقط
واستمتع في ها الشغله حيل بس ماعمري سويت لزبائن والحين افكر اني اكبر الفكره وافك الاحتكار العائلي
بس ماني عارفه كيف ابداء محتاره ومتردده مره اقول ببداء ومره اقول لا
تعبت من التفكير مشكلتي الاحباااط اذا جاني خلاااص انتهي استغفر الله بس
وحبيت اشوف احد هنا تاجر في التوزيعات وكيف صعبه ولا لا؟؟ تتوقعون عليها اقبال ؟؟
وكم راس المال ؟؟
والله يكتب اللي فيه الخير لنا جميعا
|
بما انك تستمتعين بهالشغله متاكده بتبدعين فيها
ابدي باقل راس مال وشوفي كيف الاقبال
بس اهم مافي الموضوع يكون التسويق قوي لان نص التجاره تعتمد على التسويق