سفير الود وكل من يدور في فلكه

أحترم وجهة نظرك ومتأكد أن الواسطه في كل مكان حتى أنت لو في منصب وماوظفت ربعك راح ينقدون عليك

حتى المناصب العليا في كل دوله نعم في كل دوله أمركا مثلا وش جاب بوش الأبن غير بوش الأب هو يقدمه هو

وشطارته تذكر أنت مقوله الملك فيصل رحمه الله ( كل شي قدرت أقضي عليه إلا الواسطه )

نعم أعرف أنه فيه واسطات في كل مكان والله ياسفير عام 1418 أول ماخذت الثانوية طارت في وظيفة

أمارة منطقة القصيم واسطات مع أنه الوظيفة شاغره والأمور متيسره والواسطه حقتي كبيره وكنت أول خلال شهر

راح يصدر التعيين أنتظر توقيع الأمير وكنت مولم الذبيحه لربعي وشهر وراء شهر وردد ياليل

ومن كثر ماروح للى متوسطلي قالى لاعاد تجينى لو الله كاتبها لك بتجي

والى يومك هاذا

بس نحاول بالشهادارت ونطور من أنفسنا علشان لو قدمنا على وظيفة نوفي متطلباتها

وحتى لو قلنا لحد توسطلنا على الأقل لنا وجه

وتأكد أن الله كاتبلك رزقك قبل ماتولد فنم قرير العين